ކައްދޫ އެކްސިޑެންޓާއި ގުޅިގެން ދިވެހި ފިރިހެނަކު ހައްޔަރުކޮށްފި

ފުލުހުން ބުނީ މި މައްސަލައާއިި ގުޅިގެން ރޭގެ ވަގުތެއްގައި 27 އަހަރުގެ ދިވެހި ފިިރިހެނަކު ހައްޔަރުކޮށް އޭނާގެ ބަންދަށް 15 ދުވަސް ޖަހާފައިވާ ކަމަށެވެ.

މި އެކްސިޑެންޓް ހިނގާފައި ވަނީ ރޭ 19:18 ހާއިރު ފޮނަދޫން ގަމަށް ދަތުރު ކުރި ސައިކަލެއް ކައްދޫ އެއާޕޯޓަށް ދާން މަގު ހުރަސް ކުރި ދެ މީހެއްގެ ގައިގައި ޖެހިގެންނެވެ.

މި އެކްސިޑެންޓްގައި ޒިބްރާ ކްރޮސްއިން ހުރަސް ކުރި ދެ އަންހެނުންނާއި ސައިކަލުގައި ތިބި ދެ މީހުންނަށް އަނިޔާވެގެން ހޮސްޕިޓަލުގައި ފަރުވާދެމުން ދަނިކޮށް 64 އަހަރުގެ އަންހެންމީހާ ވަނީ ނިޔާވެފައެވެ.

ފުލުހުން ގެންދަނީ މި މައްސަލަ ތަހުގީގު ކުރަމުންނެވެ.