ނުކުޅެދުންތެރިކަން ހުންނަ ފަރާތްތަކާއި ފަޤީރު ހާލަތުގައި ދިރިއުޅޭ ފަރާތްތަކަށް ވަޒީފާގެ ފުރުޞަތުތައް ހަމަޖެއްސުމާ ގުޅޭ ގޮތުން މަޝްވަރާކުރުމަށް އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއާއި ރޯޑް ޑިވެލޮޕްމަންޓް ކޯޕަރޭޝަނާއި މަޝަވަރާކޮށްފިއެވެ.
މިގޮތުން ނުކުޅެދުންތެރިކަން ހުންނަ ފަރާތްތަކާއި ނާޒުކު ހާލަތްތަކުގައި ދިރިއުޅޭ ފަރާތްތަކުގެ ތެރެއިން ވަޒީފާއަށް އެދޭ ފަރާތްތަކަށް ވަޒީފާގެ ފުރުޞަތުތައް ހޯދައިދިނުމުގެ ގިނަ މަސައްކަތްތައް މި ވުޒާރާއިންދަނީ ކުރެވެމުންނެވެ.
ސަރުކާރުގެ ވަރަށް ގިނަ ކުންފުނިތަކުގައި ޚާއްޞަ އެހީއަށް ބޭނުންވާ މީހުންނަށް ވަޒީފާގެ ފުރުޞަތު ހޯދައިދެއެވެ.
ސަރުކާރުގެ އަމާޒަކީ އެއްވެސް މީހެއް ބާކީނުކޮށް ، ނުކުޅޭދުންތެރިކަން ހުންނަ ފަރާތްތަކަށްވެސް ހަމަހަމަ ފުރުޞަތު ހޯދައިދީ އެމީހުންނަށް ވަޒީފާގެ ފުރުޞަތު ހޯދައިދީ މަސައްކަތް ކުރެވޭނެ މާހައުލެއް ޤާއިމްކޮށްދިނުމެވެ.
