ކްރިމިނަލް ކޯޓުގެ ގާޒީކަމުގެ މަގާމަށް ކުރިމަތިލުމުގެ ފުރުސަތު ޖުޑިޝަލް ސާވިސް ކޮމިޝަން (ޖޭއެސްސީ) އިން ހުޅުވާލައިފިއެވެ.
ޖޭއެސްސީއިން ބުނީ ކްރިމިނަލް ކޯޓުގެ ހުސްވެފައިވާ ގާޒީގެ މަގާމަށް ކުރިމަތިލުމުގެ ފުރުސަތު ހުޅުވާލާފައިވާ ކަމަށެވެ.
އެ އިއުލާނުގައިވާ ގޮތުން އަސާސީ މުސާރައަކީ 37,700 ރުފިޔާ އެވެ. ލިވިން އެލަވެންސްގެ ގޮތުގައި 18,000 ރުފިޔާ، ރިސްކް އެލަވެންސްގެ ގޮތުގައި 3،300 ރުފިޔާ ލިބޭނެ ކަމަށް ވެސް އެ އިއުލާނުގައިވެ އެވެ.
ޖޭއެސްސީއިން ބުނީ އެމަގާމަށް އެދި ހުށަހަޅަންވާނީ 23 ޑިސެންބަރު 2025 ވަނަ ދުވަހުގެ 12:00 ގެ ކުރިން އެ ކޮމިޝަނުގެ ފަހިރެސް ޕޯޓަލް މެދުވެރިކޮށް ކަމަށެވެ. ނަމަވެސް އެޕްލިކޭޝަންގެ ގޮތުގައި ހާޑް ކޮޕީ ހުށަހަޅަންބޭނުންވާ ފަރާތްތަކުން ސުންގަޑިހަމަވުމުގެ ކުރިން އެ ކޮމިޝަނުގެ ކައުންޓަރަށް ހާޑްކޮޕީ ހުށަހެޅޭނެ ކަމަށް އެ ކޮމިޝަނުން ބުނެ އެވެ.
