ހިޔާ 8 ޓަވަރުގައި އަލަށް ހަރުކުރި ދެ ލިފްޓުގެ މަސައްކަތް ނިންމާ ބޭނުންކުރަން ފަށައިފިއެވެ.
އެ ޓަވަރުގައި އިތުރު ދެ ލިފްޓް ހަރުކުރަން ފަށާފައިވަނީ 2024 ވަނަ އަހަރުގެ އެޕްރީލް މަހުގެ ތެރޭގައެވެ. ލިފްޓުތައް ހަރުކުރުމަށް އެޗް.ޑީ.ސީން ޙަވާލުކޮށްފައިވަނީ، ޝެންޔަންގް ޔުއާން އިންޓެލެކްޗުއަލް ގުރޫޕާއެވެ.
ލިފްޓް ހަރުކުރުމުގެ މަސައްކަތުގައި ސިވިލް އަދި ސްޓްރަކްޗަރގެ ހުރިހާ މަސައްކަތް މިހާރު ވަނީ މުޅިން ނިމިފައެވެ. އަދި ލިފްޓްތައް ބެހެއްޓުމުގެ %86 މަސައްކަތް ވަނީ ނިމިފައެވެ. މިއާއެކު މުޅި މަޝްރޫޢުގެ %89 މަސައްކަތް މިހާރު ވަނީ ނިމިފައެވެ.
މިހާތަނަށް 8 ޓަވަރުގެ ހުރިހާ މަސައްކަތެއް ނިންމާ ވަނީ ބޭނުން ކުރަން ފަށާފައެވެ. އެއީ، ހިޔާ ޓަވަރު އެޗް1، އެޗް2، އެޗް3، އެޗް4، އެޗް5، އެޗް6، އެޗް7 އަދި އެޗް8 އެވެ.
އިތުރު 5 ޓަވަރުގައި މިހާރު ކުރަމުންދަނީ، އެންމެ ފަހުގެ ޓެސްޓިންގ މަސައްކަތްތަކެވެ. އެޗްޑީސީން ބުނީ، ބާކީ ހިމެނޭ ޓަވަރުތަކުގައިވެސް މަސައްކަތްތައް ބާރަށް ކުރިއަށްދާ ކަމަށާއި، އެ މަސައްކަތްތަކަށް ބޭނުންވާ ސާމަނުވެސް ހަމައަށް ލިބިފައިވާ ކަމަށެވެ.
