ސްވިޑަންއާއި ސީޝެލްސް އަދި އޮސްޓްރިއާއަށް ކަނޑައަޅުއްވާ ނޮން-ރެޒިޑެންޓް ސަފީރުންނަށް ރައްޔިތުންގެ މަޖިލީހުން ރުހުން ދެއްވައިފިއެވެ. ސްވިޑަންއާއި ސީޝެލްސް އަދި އޮސްޓްރިއާއަށް ނޮން-ރެޒިޑެންޓް ސަފީރުން އައްޔަން ކުރެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މަޖިލީހަށް ފޮނުއްވާފައިވާ މައްސަލަ މަޖިލީހުގެ ޚާރިޖީ ގުޅުންތަކުގެ ކޮމިޓީން ނިންމިގޮތުގެ ރިޕޯޓް މަޖިލީހުގެ ތަޅުމަށް ހުށަހަޅައި ވޯޓު ވަނީ ނަގާފައެވެ. މަޖިލީހުގެ މެންބަރުންގެ މެދުގައި ނެގި ވޯޓުގައި ނޮން-ރެޒިޑެންޓް ސަފީރުން އައްޔަން ކުރައްވަން ފާސްވެފައިވަނީ 71 މެންބަރުންގެ ވޯޓުންނެވެ. ސްވިޑަންއަށް ކަނޑައަޅުއްވާ ނޮން-ރެޒިޑެންޓް ސަފީރުކަމަށް…

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ދިވެހިރާއްޖެއަށް މިހާރު ވަޑައިގެން އުޅުއްވާ މަޝްހޫރު މީސްމީޑިއާ މަންސަ، ޓިކްޓޮކް ގެ އިސް ވަފުދާ މިއަދު ބައްދަލުކުރައްވައިފިއެވެ. މި ބައްދަލުވުމުގައި ޓިކްޓޮކާ ގުޅިގެން މަސައްކަތް ކުރެވިދާނެ ދާއިރާތަކާ ގުޅޭގޮތުން ވަނީ މަޝްވަރާކުރައްވައިފައެވެ. މީގެ އިތުރުން މި ބައްދަލުވުމުގައި ރައީސް ވަނީ، ރާއްޖެ ޑިޖިޓަލައިޒްކުރުމަށް އެމަނިކުފާނު ގެންގުޅުއްވާ ތަޞައްވުރު ހިއްސާކުރައްވައިފައެވެ. އަދި ޓިކްޓޮކްގެ ވަފުދުން ވަނީ އެބޭފުޅުންނަށް މި ތަޞައްވުރަށް ވާސިލްވުމުގައި އެހީތެރިކަން ފޯރުކޮށްދެވޭނެ ގޮތްތަކުގެ މައްޗަށް އަލިއަޅުއްވާލައްވައިފައެވެ. މި ބައްދަލުވުމުގައި ރައީސް…

ސިވިލް ސަރވިސް ކޮމިޝަނުގެ މެންބަރުގެ މަގާމަށް މއ. ސިގްމާ، އަލްއުސްތާޛް މުޙައްމަދު މުޖުތާޒް އައްޔަން ކުރަން ރައްޔިތުންގެ މަޖިލީހުން މިއަދު ފާސްކޮށްފި އެވެ. އޭނާ އެ މަގާމަށް އައްޔަން ކުރަން ފެންނަ ކަމަށް މަޖިލިހުގެ މިއަދުގެ ޖަލްސާގައި ފާސްކުރީ ވޯޓުގައި ބައިވެރިވި 71 މެންބަރުންގެ އިއްތިފާގުންނެވެ. ސިވިލް ސަރވިސް ކޮމިޝަނުގެ މެންބަރުގެ މަޤާމު ހުސްވެފައިވަނީ އެ މަޤާމުގައި ހުންނެވި އިބްރާހިމް ރަޝީދު މިދިޔަ މަހުގެ 11 ވަނަ ދުވަހު އިސްތިއުފާ ދެއްވުމާ ގުޅިގެންނެވެ. އޭނާ އިސްތިއުފާ ދެއްވީ…

ވަކިން ސިގިރޭޓް ވިއްކުމާއި ސިގިރޭޓް ބުއިމަށް ހުއްދަ ނެތް ތަންތަނުގައި ސިގިރޭޓް ބުއިމުގެ ކަންކަން ހުއްޓުމަށް ހެދިފައިވާ ޤާނޫނުތައް ތަންފީޒު ކުރުމުގެ ކަންކަން ވަރުގަދަ ކުރުމަށް ހެލްތު މިނިސްޓަރ އަބުދުﷲ ނާޒިމް އިބްރާހީމް އަދި މިނިސްޓަރ އޮފް ހޯމް ލޭންޑް ސެކިއުރިޓީ އެންޑް ޓެކްނޮލޮޖީ  އަލީ އިހްސާން މަޝަވަރާކުރައްވައިފިއެވެ. ހެލްތު މިނިސްޓްރީގައި ބޭއްވި މި ބައްދަލުވުމުގައި ތަންފީޒީ އިދާރާތައް ކަމަށްވާ، މޯލްޑިވްސް ޕޮލިސް ސަރވިސް، މޯލްޑިވސް ކަސްޓަމްސް ސަރވިސް އަދި ހެލްތު ޕްރޮޓެކްޝަން އެޖެންސީ ގުޅިގެން ޤާނޫނު…

ތެލެސީމިއާ ބޯންމެރޯ ހެދުމަށް ރާއްޖެއިން ބޭރަށް މިމަހު ފުރުމަށް ހަމަޖެހިފައިވާ 3 ކުދިންނާއި މިނިސްޓަރ އޮފް ހެލްތު އަބުދުﷲ ނާޒިމް އިބްރާހީމް މިއަދު ބައްދަލުކޮށްފިއެވެ. މިއަދު މިނިސްޓަރ ބައްދަލުކުރެއްވި 3 ކުދިން ފުރުމަށް ހަމަޖެހިފައިވަނީ މިމަހުގެ 20 ވަނަ ދުވަހުއެވެ. މިއީ މިއަހަރު ފުރާ ފުރަތަމަ 3 ކުދިންނެވެ. މީގެ އިތުރުންވެސް ބޯންމެރޯ ހެދުމަށް އިތުރު 2 ކުދިން ދަނީ ފުރުމަށް ވާންޖެހޭ ތައްޔާރީތައް ވަމުންނެވެ. މި ބައްދަލުވުމުގައި އެކުދިންގެ ބެލެނިވެރިން ވެސް ބައިވެރިވިއެވެ. ބޯންމެރޯ ހެދުމުގެ…

މިފްކޯއިން ޗައިނާއާއެކު ވިޔަފާރީގެ ފުރުޞަތުތަ އިތުރުކުރުމާއި ގުޅޭގޮތުން މަޝްވަރާކޮށްފިއެވެ. މި މަޝަވަރާތައް ކުރިއަށް ދިޔައީ ޗައިނާ ޗެމްބަރ އޮފް ކޮމާސް އޮފް ފުޑްސްޓަފްސް އެންޑް ނެޓިވް ޕްރޮޑަކްޓްސް (ސީއެފްއެންއޭ) ގެ ޓީމުން މިފްކޯގެ މެނޭޖްމަންޓް ޓީމާ ބައްދަލުކޮށް ކުރި މަޝަވަރާގައެވެ. މި ބައްދަލުވުމުގައި މިފްކޯގެ އޮޕަރޭޝަންތައް ހިނގާގޮތް ތަޢާރަފްކުރުމާއި، ޗައިނާއާއެކު ވިޔަފާރީގެ ފުރުޞަތުތަކާ ބެހޭގޮތުން ވަނީ މަޝަވަރާކޮށްފައެވެ. ޗައިނާގެ ޓީމުން ވަނީ މިފްކޯ މަސްފިހާރައަށް ގޮސް އެތަނުގައި ހުރި މަހުގެ އުފެއްދުންތައް ބަލާ އޭގެ މައުލޫމާތު އޮޅުންފިލުވާފައެވެ.…

ޕްރޮފެޝަނަލް އެކައުންޓަންޓުން ތަމްރީނުކުރުމަށް ހުޅުވާލެވުނު ސްކޮލަރޝިޕަށް ހޮވުނު ދަރިވަރުންނަށް ލިޔުން ހަވާލުކޮށްފިއެވެ. އެކައުންޓަންޓުންނަށް ޚާއްސަކޮށްގެން ހުޅުވާލި ސްކޮލަރޝިޕްގައި 100 ދަރިވަރުންނަށް ސްކޮލަރޝިޕް ދީފައިވާ ކަމަށް ހަޔަރ އެޑިޔުކޭޝަން މިނިސްޓްރީން މައުލޫމާތުދެއެވެ. މިސްކޮލަރޝިޕްތައް ހަވާލުކުރުމަށް ޤައުމީ ޔުނިވަރސިޓީގެ ސެންޓްރަލް އޮޑިޓޯރިއަމުގައި ބޭއްވި ޚާއްސަ ރަސްމިއްޔާތު ޝަރަފުވެރިކޮށްދެއްވީ މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާއި ބެހޭ ވަޒީރު ޑރ. އަލީ ހައިދަރު އަހުމަދުއެވެ. މި ރަސްމިއްޔާތުގައި އެވުޒާރާގެ އިސްވެރިންނާއި، އިންސްޓިޓިއުޓް އޮފް ޗަރޓަރޑް އެކައުންޓަންޓްސް އޮފް މޯލްޑިވްސްގެ އިސްވެރިން ވަނީ…