އޮގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ)ގެ ޚާރިޖީ ވަޒީރުންގެ މަޖިލީހުގައި ބައިވެރިވެވަޑައިގަތުމަށް ފޮރިން މިނިސްޓަރު ޑރ. އަބްދުﷲ ޚަލީލް ތުރުކީއަށް ވަޑައިގެންފިއެވެ. ފޮރިން މިނިސްޓްރީން މައުލޫމާތު ދިން ގޮތުގައި މިނިސްޓަރ އަބުދުﷲ ޚަލީލް ގެ މި ދަތުރަކީ އޯއައިސީގެ ފޮރިން މިނިސްޓަރުންގެ 51 ވަނަ ބައްދަލުވުމުގައި ބައިވެރިވުމަށް ކުރައްވާ ދަތުރެކެވެ.މިނިސްޓަރ މިއަދު ވަނީ މިބައްދަލުވުމުގެ ފުރަތަމަ ސެޝަންގައި ބައިވެރިވަޑައިގެންފައެވެ.   'އެކްސް'ގައި ކުރެއްވި ޕޯސްޓެއްގައި މިނިސްޓަރު ޚަލީލް ވިދާޅުވީ އިސްތަންބޫލަށް ވަޑައިގަތުމާއެކު ދިވެހިރާއްޖެއިން ތުރުކީއަށް ކަނޑައަޅުއްވާފައި ހުންނަވާ…

ދުނިޔޭގެ ކަނޑުތަކުގެ ދުވަސް ފާހަގަކުރުމުގެ ގޮތުން މަސްވެރިކަމާ ކަނޑުގެ ވަސީލަތްތަކާ ބެހޭ ވުޒާރާއިން އިންތިޒާމްކޮށްގެން، ގިނަ ހަރަކާތްތަކަކާއެކު "މޫދު ފެސްޓް" ހުޅުމާލޭ ފޭސް 1 ގެ ގޮނޑުދޮށުގައި މިއަދު ފަށައިފިއެވެ. މި ފެސްޓިވަލް ކުރިއަށް ދަނީ މެންދުރު 1 އިން ހަވީރު 6 އަށް، އާއިލާތަކާއި ކުޑަކުދިންނަށް ކަނޑުގެ މުހިންމުކަން އަންގައިދިނުމުގެ މަގްސަދުގައެވެ. މި ފެސްޓިވަލްގައި ކަނޑުގެ މައުލޫމާތު ދިނުމަށް ޓަކައި އެކިއެކި ސްޓޯލްތައް ވަނީ ބަހައްޓާފައެވެ. މި ހަރަކާތުގައި މަސްވެރިކަމާ ކަނޑުގެ ވަސީލަތްތަކާ ބެހޭ ވުޒާރާއާއި،…

ޞިއްޙީ ވުޒާރާގެ އިސްވެރިން ޕާކިސްތާނުގެ ނޭޝަނަލް އިންސްޓިޓިއުޓް އޮފް ހެލްތު (އެންއައިއެޗް) އަށް މިއަދު ޒިޔާރަތްކުރައްވައިފިއެވެ. މިއީ ޞިއްޙީ ވުޒާރާގެ އިސްވެރިން ޕާކިސްތާނުގެ ވެރިރަށް އިސްލާމްއާބާދަށް މިހާރު ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން ކުރެއްވި ޒިޔާރަތެކެވެ. މި ޒިޔާރަތުގައި އެންއައިއެޗްގެ ޗީފް އެގްޒެކެޓިވް އޮފިސަރާއި ޓެކްނިކަލް އޮފިޝަލުންނާ ބައްދަލުކުރައްވާފައިވެއެވެ. ޞިއްޙީ ވުޒާރައިން ހާމަކޮށްފައިވާ ގޮތުގައި މި ބައްދަލުވުމުގައި އެންމެ ބޮޑަށް އަލިއަޅުވާލާފައިވަނީ ރާއްޖޭގެ އާންމު ސިއްޙަތުގެ ނިޒާމާއި ކެޕޭސިޓީ ހަރުދަނާ ކުރުމަށްޓަކައި ދެފަރާތުގެ އެއްބާރުލުން ދިނުމާ…

ހދ. ނޮޅިވަރަންފަރުގައި އިމާރާތްކޮށްފައިވާ 100 ހައުސިންގ ޔުނިޓް ލިބޭ ފަރާތްތަކުގެ ދާއިމީ ލިސްޓް އާންމުކޮށްފިއެވެ. ނޮޅިވަރަންފަރު ކައުންސިލްގެ އިދާރާއިން ކޮށްފައިވާ އިޢުލާނެއްގައި ވަނީ އެ ލިސްޓަގައިވާ ފާރާތްތަކުގެ ތެރެއިން ދެމަފިރިންނަށް ހައުސިންގ ޔުނިޓް ލިބޭ މިންވަރަށް ޕޮއިންޓް ލިބިފައިވާނަމަ، ދެމަފިރިންގެ ތެރެއިން ހައުސިންގ ޔުނިޓް ދޫކޮށްލާ ފަރާތެއް ކަނޑައަޅަންޖެހޭނެ ކަމަށެވެ. އެގޮތުން ދެމަފިރިންގެ ތެރެއިން ހައުސިންގ ޔުނިޓު ދޫކޮށްލާ ފަރާތުގެ މަޢުލޫމާތު ދެ ފަރާތުން ސޮއިކޮށް، އިނގިލީގެ ނިޝާން ޖަހައި ލިޔުމުން އެކަން ބަޔާންކޮށް 26 ޖޫން…

ރާއްޖޭގައި ކުރިއަށްދާ އެންމެ ބޮޑު އެއް މަޝްރޫޢު ކަމަށްވާ ވެލާނާ އިންޓަރނޭޝަނަލް އެއާޕޯޓު (ވީއައިއޭ) ގެ އައު ޓާމިނަލް ހުޅުވުމުގެ ކައުންޓްޑައުން ރަސްމީކޮށް ފަށައިފިއެވެ. މިކަމަށްޓަކައި ވީއައިއޭގައި ރޭ ބޭއްވި ރަސްމިއްޔާތުގައި ކައުންޓްޑައުން ފައްޓަވައިދެއްވީ ވީއައިއޭ ހިންގާ މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ ސީއީއޯ އަދި މެނޭޖިންގ ޑިރެކްޓަރ، އިބްރާހީމް ޝަރީފް މުޙައްމަދެވެ. ވީއައިއޭގެ އައު ޓަރމިނަލް ހުޅުވުމަށް ނިންމާފައިވަނީ ރާއްޖޭގެ މިނިވަން ދުވަސް ކަމަށްވާ ޖުލައި މަހުގެ 26 ވަނަ ދުވަހުއެވެ. މިކަން…

މޯލްޑިވްސް މީޑިއާ ކައުންސިލް (އެމްއެމްސީ) ގެ ހުސްވެފައިވާ ތިން މަޤާމަށް އައު މެންބަރުން އިންތިޚާބުކޮށްފިއެވެ. މިއަދު ހެނދުނު ކުރިއަށްގެންދިޔަ މީޑިއާ ކައުންސިލްގެ ބައި-އިލެކްޝަންގައި މީޑިއާތައް ތަމްސީލް ކުރާ ދެ މެންބަރަކާއި، އާންމުންގެ ފަރާތުން އެއް މެންބަރަކު ވަނީ އިންތިޚާބުކޮށްފައެވެ. މިގޮތުން މީޑިއާ ތަމްސީލްކުރާ މެންބަރުންގެ ގޮތުގައި އިންތިޚާބުވީ "ދައުރު" ނޫހުގެ ނޫސްވެރިޔާ، މުޙައްމަދު މުޒައްޔިނު ނާޒިމާއި "އަދަދު" ނޫހުގެ ލީވާން ޢަލީ ނަސީރެވެ. މީގެ އިތުރުން މީޑިއާ ކައުންސިލްގެ އާންމު މެންބަރު މެންބަރުކަމަށް އިންތިޚާބުކޮށްފައިވަނީ ޙައްވާ ވަޖުދާއެވެ.…

ބާ ކައުންސިލުގެ ނައިބު ރައީސަކަށް އިބްރާހީމް ޝަމީލް އިންތިހާބުކޮށްފި އެވެ. އޭނަ އެ މަގާމަށް އިންތިހާބުވީ ބާ ކައުންސިލުގެ އެގްޒެކެޓިވް ކޮމިޓީ އަށް މެންބަރުން ހޮވުމަށް އިއްޔެ ބޭއްވި އިންތިޚާބުގައި 291 ވޯޓު ހޯދައިގެންނެވެ. ޝަމީލާ ވާދަކުރި މަޢާޝާ ލުޠުފީ އަށް ލިބުނީ 216 ވޯޓެވެ. ބާ ކައުންސިލުގެ އެގްޒެކެޓިވް ކޮމިޓީގެ މެންބަރުކަމަށް ދެ ބޭފުޅަކު އިންތިޚާބުކޮށްފައިވެ އެވެ. އެއީ ށ. މަރޮށި، ސީނާ، ޢަބްދުﷲ ނާހިދާއި އަދި ހއ. އިހަވަންދޫ، އުދަރެސް، އަޙްމަދު ޝާފިޢު އެވެ.…

ހުޅުމާލޭ މަގެއްގައި ހިނގާފައި ދިޔަ މީހެއް ގައިގައި ސައިކަލުން ޖެހުމުން މަޑުނުކޮށް ފިލި މީހަކު ހައްޔަރުކޮށްފި އެވެ. ފުލުހުން ބުނީ މި މަހގެ 16 ވަނަ ދުވަހު ހުޅުމާލެ ފޭސް 1 ނިރޮޅުމަގު، އައިއޯއެން ފިހާރަ ކުރިމަތީގައި އޮންނަ ޒިބްރާ ކްރޮސްގައި ހިނގި އެ ހާދިސާއާ ގުޅިގެން ހައްޔަރުކުރީ ގއ. މާމެންދޫ، މޫންލައިޓްވިލާ، މުހައްމަދު ނާޝިއު، 20، އެވެ. ކޯޓް އަމުރެއްގެ ދަށުން ބުރާސްފަތި ދުވަހު އޭނަ ހައްޔަރުކުރި އިރު، އެކްސިޑެންޓްގައި އަނިޔާވި 54 އަހަރުގެ މީހަކަށް…