މާލެ ހުކުރު މިސްކިތް ސެކުއިރިޓީ ބަލަހައްޓަން ބަޔަކު ހޯދަން، ގައުމީ ތަރިކައިގެ ވުޒާރާއިން އިއުލާންކޮށްފި އެވެ. ސަރުކާރު ގެޒެޓުގައިވާ އެ އިއުލާނުގައި ބުނަނީ މިނިސްޓްރީން ހޯދަނީ އަހަރު ދުވަހުގެ މުއްދަތަކަށް އެ ތަނުގެ ސެކުއިރިޓީ ބަލަހައްޓައިދޭނެ ބައެކެވެ. ސެކިއުރިޓީގެ ހިދުމަތް ދިނުމަށް ޝައުގުވެރިވާ ފަރާތްތަކަށް މިނިސްޓްރީން ހުޅުވާލީ، ކުދި އަދި މެދު ފަންތީގެ ވިޔަފާރި ދަފްތަރުގައި ރަޖިސްޓްރީކޮށްފައިވާ ވިޔަފާރިތަކަށެވެ. ކުދި އަދި މެދު ފަންތީގެ ވިޔަފާރިތައް ފުޅާވުމަށް ފުރުސަތު ދިނުމަކީ ކޮންމެ ސަރުކާރެއްގައި ވެސް އިސްކަންދޭ ސިޔާސަތެކެވެ. މި ބީލަމުގެ…

ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން މެއި 14 ވަނަ ދުވަހު މާލޭގައި ހިންގި މަސްތުވާތަކެތީގެ އޮޕަރޭޝަނުގައި ފަސް މީހަކު ހައްޔަރުކޮށްފި އެވެ. ޑްރަގް އެންފޯސްމަންޓާއި އިންޓެލިޖެންސް ގުޅިގެން ހިންގި އެ އޮޕަރޭޝަނުގައި ހައްޔަރުކޮށްފައިވަނީ 27 އަހަރާއި 45 އަހަރާ ދެމެދުގެ ފަސް ފިރިހެނުންނެވެ. ފުލުހުން ބުނީ ކޯޓު އަމުރެއްގެ ދަށުން އެ މީހުން ހައްޔަރުކޮށް އެމީހުން ތިބި އެޕާޓްމަންޓު ބަލައި ފާސްކުރި އިރު މަސްތުވާތަކެތި ކަމަށް ބެލެވޭ އެއްޗެއް ހުރި 29 ރަބަރު ޕެކެޓު ފެނިފައިވާ…

މިދިޔަ އަހަރު މަތީ ސާނަވީ އިމްތިހާނު ފުރިހަމަކުރި ދަރިވަރުންގެ ތެރެއިން ހައި އެޗީވާސް ސްކޮލާޝިޕަށް ޝަރުތުހަމަވާ ދަރިވަރުން އެ ސްކޮލާޝިޕަށް އެދުމުގެ ފުރުސަތު ހުޅުވާލައިފި އެވެ. މި ފުރުސަތު ހުޅުވާލައި، ހަޔާ އެޑިއުކޭޝަން މިނިސްޓްރީން މިއަދު ކުރި އިއުލާނެއްގައި ބުނީ، މި ސްކޮލާޝިޕްގައި ފުރުސަތު ދެވޭނީ އެ މިނިސްޓްރީގެ "ނެޝެނަލް ޓްރެއިނިންގް ނީޑްސް ލިސްޓް"ގައި ހިމެނޭ ދާއިރާތަކުން ފުރަތަމަ ޑިގްރީ ފުރިހަމަ ކުރުމަށް ކަމަށެވެ. މިނިސްޓްރީން ބުނީ، މި ސްކޮލާޝިޕަށް ޝަރުތު ހަމަވާނީ މަތީ ސާނަވީ އިމްތިހާނުގައި ފަސް މާއްދާއިން A…

މޯލްޑިވްސް މީޑިއާ ކައުންސިލް (އެމްއެމްސީ) ގެ އާންމު މެންބަރުކަމަށް ކުރިމަތިލުމުގެ ފުރުސަތު ހުޅުވާލައިފިއެވެ. މިނިސްޓްރީ އޮފް ޔޫތު އެމްޕަވަމަންޓް، އިންފޮމޭޝަން އެންޑް އާޓްސްއިން މިއަދު ސަރުކާރުގެ ގެޒެޓްގައި ކުރި އިއުލާނެއްގައި ބުނީ، އެ ފުރުސަތު ހުޅުވާލައިފައިވަނީ އެމްއެމްސީގެ އާންމު މެންބަރުންގެ ތެރެއިން އިތުރު މެންބަރެއްގެ މަގާމް ހުސްވެފައިވާތީ ކަމަށެވެ. އިތުރަށް އެ އިއުލާނުގައި ބުނީ، އާންމު މެންބަރުންގެ ގޮތުގައި ބަލާނީ މީޑިއާއާ ގުޅުންހުރި އެއްވެސް ދާއިރާއެއްގައި މަސައްކަތް ނުކުރާ ފަރާތްތަކަށް ކަމަށެވެ. އަދި މީގެ އިތުރުން ވެސް އާންމު މެންބަރުކަމަށް…

މިއަދު ހަވީރު މާލޭގެ ބައެއް ސަރަހައްދުތަކުން ކަރަންޓު ކެނޑިދާނެކަމަށް ސްޓެލްކޯއިން ބުނެފިއެވެ. ‏ސްޣެލްކޯއިން ބުނެފައިވަނީ މިއަދު ހަވީރު 4:00 އިން 4:30 އާ ދެމެދު މާލޭގެ ބޮޑުތަކުރުފާނު މަގުގައި ހުންނަ ހުޅުމާލޭ ފެރީޓާމިނަލް ސަރަޙައްދުގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތެއް ކުރުމަށް ހަމަޖެހިފައިވާ ކަމުގައެވެ. އެގޮތުން މި މަސައްކަތް ކުރިއަށްދާ ވަގުތު އެ ސަރަޙައްދުން ކަރަންޓުގެ ޚިދުމަތް މެދުކެމިނޑުމަކީ އެކަށީގެންވާ ކަމެއް ކަމަށާއި ކަސްޓަމަރުންނަށް ދިމާވެދާނެ ދަތިތަކަށް މަޢާފަށް އެދޭކަމަށްވެސް ސްޓެލްކޯއިން ބުނެފައި ވެއެވެ.

ހުޅުމާލޭގެ 2 ވަނަ ފިޔަވަހީގެ ރުއްގަނޑު 3 ގެ ބީޗް ސަރަހައްދުގައި އަމިއްލަ ފަރާތްތަކުން ހަދާފައިވާ ހަޓްތައް ނަގައި، އެ ސަރަހައްދު ތަރައްގީ ކުރަން ނިންމައިފިއެވެ. ހައުސިންގް ޑިވެލޮޕްމެންޓް ކޯޕަރޭޝަން (އެޗްޑީސީ) އިން ބުނީ، އެ ސަރަހައްދު ތަރައްގީ ކުރުމަށް އެތަނުގައި ހުރި ހަޓުތަކާއި، އެތާނގައި ބަހައްޓާފައިވާ ތަކެތި މި މަހުގެ 30 ގެ ނިޔަލަށް ނަގަން އަންގާފައިވާ ކަމަށެވެ. އިތުރަށް އެޗްޑީސީއިން ބުނީ، ދެވިފައިވާ މުއްދަތުގައި މި ތަކެތި ނަގާފައި ނުވާނަމަ، އެ ތަކެތި ނަގައި…

އިންޑިއާއިން ރާއްޖޭގައި އޮޕަރޭޓުކުރާ ދެ ހެލިކޮޕްޓަރުގެ ތެރެއިން އެއް ހެލިކޮޕްޓަރު އެމްއެންޑީއެފްގެ ހުއްދައެއް ނެތި ތ. ތިމަރަފުށީގައި ޖެއްސިކަމަށް ވިދާޅުވެ ޑިފެންސް މިނިސްޓަރ ޢައްސާން މައުމޫން ދެއްކެވި ވާހަކަ އިންޑިއާ ހައިކޮމިޝަނުން ދޮގު ކޮށްފިއެވެ. މިމަހުގެ 11 ވަނަ ދުވަހު ދިވެހި ސަރުކާރުން ބޭއްވި ނޫސްވެރިންގެ ބައްދަލުވުމުގައި، ރާއްޖޭގައި ބޭނުން ކުރަމުންދާ އިންޑިއާގެ ހެލިކޮޕްޓަރ ހުއްދަ ނެތި ބޭނުންކޮށްފައިވާކަމަށް ވިދާޅުވެ ޑިފެންސް މިނިސްޓަރ ދެއްކެވި ވާހަކައާއި ގުޅިގެން އިންޑިއާ ހައިކޮމިޝަނުން މިއަދު ނެރުނު ބަޔާނެއްގައި ބުނެފައިވަނީ، ރާއްޖޭގައި…

ހއ.ދިއްދޫއަށް ރޭ ކުރި ވިއްސާރައިގައި އެ ރަށުގެ ހަ ގެއެއްގެ ފުރާޅު އެއްލާލައިފިއެވެ.  ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) ބުނެފައިވަނީ ގެއްލުން ލިބުނު ގެތަކުގެ ފުރާޅުތައް އަލަށް ހަރުކުރުމުގެ ކުރިން ކަމާބެހޭ އިދާރާތަކުން ހަލާކުވި ފުރާޅުތައް ނެގުމުގެ މަސައްކަތް ކުރަމުން އަންނަ ކަމަށާއި، އެގެތަކުގެ އާއިލާތަކަށް ވަގުތީ ބޯހިޔާވަހިކަން މިހާރު ފޯރުކޮށްދީފައިވާ ކަމަށެވެ. އަދި އޭގެ ތެރެއިން ބައެއް އާއިލާތަކުން ގާތްތިމާގެ މީހުންނާ އެކު ހިޔާވަހިކަން ހޯދާފައިވާ ކަމަށް އެންޑީއެމްއޭ ބުނެފައި ވެއެވެ. އަދި އަންގާރަ ދުވަހުގެ ރޭގެ ވަގުތެއްގައި އެ އާއިލާތައް ގެތަކަށް ދެވޭނެ ކަމަށް އުއްމީދު ކުރާކަމަށްވެސް އެންޑީއެމްއޭ ބުނެފައި ވެއެވެ. ގެއްލުން ލިބުނު ކޮންމެ ގެއެއްގެ ފުރާޅުގެ ގެއްލުން ތައް މަރާމާތު ކުރުމަށް 150،000 ރުފިޔާ ޚަރަދުވާނެކަަމަށް ލަފާ ކުރެވޭކަމަށްވެސް އެންޑީއެމްއޭ އިން ބުނެފައި ވެއެވެ.