ދުނިޔޭގެ ތިމާވެށީގެ ދުވަހުގެ މުނާސަބަތާއި ގުޅިގެން، ސަރުކާރުގެ މެނިފެސްޓޯގައި ހިމެނޭ މުހިންމު ރިޔާސީ ވައުދެއްކަމުގައިވާ، ފަސް މިލިއަން ގަސްއިންދުމުގެ ޕްރޮގްރާމް، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އަދި އެމަނިކުފާނުގެ އަނބިކަނބަލުން ސާޖިދާ މުޙައްމަދު، އިފުތިތާހުކޮށްދެއްވައިފި އެވެ. މި ޕްރޮގްރާމް އިފުތިތާހުކުރުމަށް މިއަދު ހެނދުނު ލޮނުޒިޔާރަތް ޕާކުގައި ބޭއްވި ރަސްމިއްޔާތަށް ފަހު، އެ މަނިކުފާނު ވަނީ ޕްރޮގްރާމް އަމަލީގޮތުން ފެއްޓެވުމުގެ ގޮތުން ކާބޮލި އަރޮޅި ގަހެއް އިންދަވައިފަ އެވެ. މިއަދުގެ ރަސްމިއްޔާތުގައި ރައީސުލްޖުމްހޫރިއްޔާ ވަނީ ފަސް މިލިއަން ގަސް…

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ޖުޑީޝަލް ސަރވިސް ކޮމިޝަން(ޖޭއެސްސީ)އަށް ދެ މެންބަރުން ޢައްޔަން ކުރައްވައިފި އެވެ. ޖޭއެސްސީއަށް މިއަދު ޢައްޔަންކުރެއްވި ދެ މެންބަރުންނަކީ ރައްޔިތުންގެ މަޖިލީހުގެ ރައީސް ލ.ފޮނަދޫ، އަރާއިރު، ޢަބްދުއްރަޙީމް ޢަބްދުﷲއާއި ރައްޔިތުންގެ މަޖިލީހުގެ މާފުށި ދާއިރާގެ މެންބަރު ކ.ގުރައިދޫ، ޝީވީޑް ޙުސައިން ރިޟާ އާދަމެވެ. ޢަބްދުއްރަޙީމް ޢަބްދުﷲ ޢައްޔަންކުރައްވާފައި ވަނީ ރައްޔިތުންގެ މަޖިލީހުގެ ރައީސްގެ ހައިސިއްޔަތުންނެވެ. ޖުޑީޝަލް ސަރވިސް ކޮމިޝަނަށް ޙުސައިން ރިޟާ ޢައްޔަންކުރައްވާފައި ވަނީ، ރައްޔިތުންގެ މަޖިލީހުގެ މެންބަރުންގެ ތެރެއިން، އެ މަޖިލީހުން…

މޯލްޑިވްސް މީޑިއާ ކައުންސިލް (އެމްއެމްސީ)ގެ މެންބަރުންނާއި ނޫސްވެރިން ތަމްރީނު ދަތުރެއްގައި ޕާކިސްތާނަށް މިއަދު ފުރައިފިއެވެ. އެމްއެމްސީން ބުނީ މި ތަމްރީނު ދަތުރަކީ ދިވެހި ނޫސްވެރިން ތަމްރީނު ކުރުމަށް އެ ކައުންސިލުން ކުރަމުންދާ މަސައްކަތްތަކުގެ ތެރެއިން، ޕާކިސްތާނު އެމްބަސީއާއެކު ވެފައިވާ މަޝްވަރާތަކުގެ ދަށުން، އެ ގައުމުން ދީފައިވާ ފުރުސަތެއް ކަމަށެވެ. މި ތަމްރީނު ދަތުރު ކުރިޔަށްދާނީ މިއަދުން ފެށިގެން އަންނަ ހޯމަދުވަހުގެ ނިޔަލަށް ކަމަށް އެމްއެމްސީން ބުނެއެވެ. މި ތަމްރީނު ޕްރޮގްރާމް ކުރިޔަށް ގެންދިއުށް ހަމަޖެހިފައިވަނީ ޕާކިސްތާނުގެ ވެރިރަށް،…

އިއްޔެގެ ވަގުތެއްގައި އައްޑޫސިޓިއަށް ލެއްގި ކޯމަހެއް، ރައްކާތެރިކަމާއި އެކީ ކަނޑަށް ދޫކޮށްލައިފިއެވެ. އެނގިފައިވާ ގޮތުގައި މި ކޯމަސް ލައްގާފައިވަނީ އައްޑޫސިޓީގެ ނޭޗަރު ޕާކު ސަރަހައްދަށެވެ. އެ ކޯމަސް ރައްކާތެރިކަމާއި އެކީ ކަނޑަށް ދޫކޮށްލާފައިވާ ކަމަށް ނޭޗަރ ޕާކުން ވަނީ ބުނެފައެވެ. އެގޮތުން ފޭސްބުކުގައި ކުރި ޕޯސްޓެއްގައި ނޭޗަރ ޕާކުން ބުނީ، އެސަރަހައްދުގެ ގޮނޑުދޮށަށް ކޯމަހެއް ލައްގާފައިވާ މައުލޫމާތު އިއްޔެ ހަވީރު 18:07 އެހާކަންހާއިރު ލބިފައިވާ ކަމަށާއި އެ މައުލޫމާތު ލިބުމާއި އެކީ ނޭޗަރ ޕާކުގެ މުވައްޒަފުންތައް އެސަރަހައްދަށް…

މާލެއިން މުދާ ހިފައިގެން ށ އަތޮޅަށް ދަތުރުކުރި ބޯޓެއް އޮއިވަރެއްގައި ޖެހި ފަޅައިގެން ގޮސްފި އެވެ. އެމްއެންޑީއެފުން ބުނީ 'އުޅިއަށި' ބޯޓު ށ. ބިލެތްފަހި ނެރުން ވަންނަން އުޅުމުގެ ތެރޭގައި އޮއިވަރެއްގައި ޖެހި ނެރުގެ ހުޅަނގު ފަރާތު ހިލަތަކުގައި ޖެހި ފަޅައިގެން ގޮސްފައިވާ ކަމަށެވެ. ބޯޓަށް އެހީތެރިކަން ފޯރުކޮށް ދިނުމަށް ކުޅުދުއްފުށީގައި ތިބޭ ސިފައިން އެ ސަރަހައްދަށް ދަތުރުކުރަމުންދާ ކަމަށް އެމްއެންޑީއެފުން ބުންޏެވެ. އެ ބޯޓާ ގުޅޭ އިތުރު މައުލޫމާތެއް އެމްއެންޑީއެފުން ހާމައެއް ނުކުރެ އެވެ.

"ޓްރީޓީ ބިޓްވީން ދަ ގަވަރންމަންޓް އޮފް ދަ ރިޕަބްލިކް އޮފް މޯލްޑިވްސް އެންޑް ދަ ގަވަރންމަންޓް އޮފް ދަ ޑިމޮކްރެޓިކް ސޯޝަލިސްޓް ރިޕަބްލިކް އޮފް ސްރީލަންކާ އޮން މިއުޗުއަލް ލީގަލް އެސިސްޓެންސް އިން ކްރިމިނަލް މެޓަރސް" ގައި ދިވެހިރާއްޖެއިން ސޮއިކުރެއްވުމަށް، ވަޒީރުންގެ މަޖިލީހުން ލަފާދެއްވާފައިވާތީ، އެކަމާމެދު ރައްޔިތުންގެ މަޖިލީހުގެ ރުހުން ހޯދުމަށް ހުށަހެޅުއްވުމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ނިންމަވައިފިއެވެ. ރައީސުލްޖުމްހޫރިއްޔާ މިގޮތަށް ނިންމެވީ މިއަދު ބޭއްވެވި ވަޒީރުންގެ މަޖިލީހުގެ ބައްދަލުވުމުގައި މިނިސްޓްރީ އޮފް ފޮރިން އެފެއާޒުން…

މެރިން ޝައިންސްގެ ދާއިރާއިން ފާހަގަކޮށްލެވޭ ޗައިނާގެ ޝަންހާއީ އޯޝަން ޔުނިވާސިޓީން ދިވެހިން ތަމްރީނު ކުރުމަށް ޝައުގުވެރިކަން ފާޅުކޮށްފިއެވެ. ޝަންހާއީ އޯޝަން ޔުނިވާސިޓީއިން އެ ޝައުގުވެރިކަން ފާޅުކޮށްފައިވަނީ ފިޝަރީޒް މިނިސްޓްރީއާއެކު މިއަދު ބޭއްވި މަޝްވަރާ ބައްދަލުވުމެއްގައެވެ. އެ ބައްދަލުވުމުގައި، ފިޝަރީޒް މިނިސްޓްރީގެ ފަރާތުން ބައިވެރިވަޑައިގަތީ، ސްޓޭޓް މިނިސްޓަރު ޑރ. އަމްޒަތު އަހުމަދާއި ޑެޕިއުޓީ މިނިސްޓަރު އަހުމަދު ޝާފިއެވެ. އަދި ޝަންހާއީ އޯޝަން ޔުނިވާސިޓީގެ ފަރާތުން އެ ޔުނިވާސިޓީގެ ޗެއާމަން، ވަންގް ހޮންޒޫއާއި އެ ޔުނިވާސިޓީގެ ބައެއް އިސްވެރިން ބައިވެރިވެވަޑައިގަތެވެ.…

ވޯލްޑް ހެލްތު އޮގަނައިޒޭޝަން (ޑަބްލިއުއެޗްއޯ)ގެ މެންބަރުކަން ފަލަޞްޠީނަށް ލިބުމާ ގުޅިގެން ރައީސުލްޖުމްހޫރިއްޔާ ޑރ. މުޙައްމަދު މުއިއްޒު މަރުހަބާ ވިދާޅުވެއްޖެ އެވެ. ދުނިޔޭގެ ސިއްހަތު ޖަމްއިއްޔާގެ މެންބަރަކަށްވެ، ހަރަކާތްތަކުގައި ބައިވެރިވުމުގެ ފުރުސަތު ފަލަޞްޠީނަށް ލިބިގެންދިޔައީ، އެ ޖަމިއްޔާ 77 ވަނަ އަހަރީ ޖަލްސާގައި އެ ޖަމާއަތުގެ މެންބަރުކަން ދިނުމަށް ހުށަހެޅި ގަރާރު ފާސްކޮށްގެންނެވެ. އެގަރާރަށް 101 ގައުމުން ތާއީދުކުރިއިރު އޭގެތެރޭގައި ރާއްޖެވެސް ހިމެެނެއެވެ. އެކަމާއި ދެކޮޅަށް ފަސް ގައުމަކުން ވޯޓުދިން އިރު، 21 ގައުމަކުން އެއްވެސް ކޮޅަކަަށް ވޯޓު…