މާލޭ މަގުމައްޗަށް ކުނިއަޅާ ކަން ފާހަގަ ކުރެވިގެން މާލެ ސިޓީ ކައުންސިލުން ފުލުހުންނާއި ހަވާލު ކުރި ބިދޭސީއަކު ޑީޕޯޓް ކުރުމުގެ މަސައްކަތް ފަށައިފިއެވެ.  މިކަން ހާމަކުރީ ކައުންސިލްއިން އެކްސްގައި ހިއްސާ ކުރި ޕޯސްޓެއްގައެވެ. މި މީހާ ފުލުހުންނާއި ހަވާލުކުރީވެސް ކައުންސިލުންނެވެ. މާލެ ސިޓީ ކައުންސިލުން ބުނީ ފުލުހުން ދަނީ އިމިގްރޭޝަނާއި ގުޅިގެން މި މީހާ ޑީޕޯޓް ކުރުމުގެ މަސައްކަތް ކުރަމުންކަމަށެވެ. ގަވާއިދާއި ހިލާފަށް ރާއްޖޭގައި އުޅޭ ބިދޭސީއިން މައްސަލަ ބޮޑުވެފައިވާއިރު، މި މައްސަލަ ހައްލު ކުރުމަށް ސަރުކާރުން…

ދެކުނުގެ ރަށެއްގައި ކުޑަ ކުއްޖަކާ ބެހުނު ކަމުގެ ތުހުމަތުގައި އުމުރުން ދުވަސްވީ ދިވެހި ފިރިހެނަކު ހައްޔަރުކޮށްފިއެވެ. ފުލުހުން ބުނީ ދެކުނުގެ ރަށަކުން 12 އަހަރުގެ އަންހެން ކުއްޖަކަށް ޖިންސީ ގޯނާ ކުރިކަމަށް ތުހުމަތު ކުރެވޭ މައްސަލައެއް މިދިޔަ އާދިއްތަ ދުވަހު ފުލުހުންނަށް ހުށަހަޅާފައިވާ ކަމަށެވެ. އަދި މި މައްސަލައިގައި ތުހުމަތު ކުރެވޭ އުމުރުން 61 އަހަރުގެ ދުވަސްވީ ފިރިހެން މީހާ ހައްޔަރުކޮށްފައިވާ ކަމަށް ފުލުހުން ބުނެފައިވެއެވެ. އެމީހާ އިއްޔެ ހައްޔަރުކޮށް ބަންދާ މެދުގައި ގޮތެއް ނިންމުމަށް ކޯޓަށް…

އިލެކްޝަންސް ކޮމިޝަންގެ ސެކެޓްރީޖެނެރަލްގެ މަގާމަށް ބޭފުޅަކު ހަމަޖައްސަވައިފިއެވެ. އެމަގާމަށް ހަމަޖައްސަވާފައިވަނީ އަބްދުﷲ އުނައިސްއެވެ. އުނައިސް އެމަގާމަށް ހަމަޖައްސަވާފައިވަނީ ސެކެޓްރީޖެނެރަލްގެ މަގާމްގައި ހުންނެވި ހަސަން ޒަކަރިއްޔާ ކޮމިޝަންގެ މެމްބަރުކަމަށް އައްޔަން ކުރެވުމާއި ގުޅިގެންނެވެ. އުނައިސްވަނީ 2015 ވަނަ އަހަރުން ފެށިގެން އިލެކްޝަންސް ކޮމިޝަންގެ އެކި މަގާމްތައް ފުރުއްވާފައެވެ. އޭނާ ސެކެޓްރީޖެނެރަލްގެ މަގާމަށް އައްޔަން ކުރުމުގެ ކުރިން އޭނާ ހުންނެވީ ކޮމިޝަނުގެ ޑިރެކްޓަރުގެ މަގާމުގައެވެ. އެސްޖީގެ މަގާމްގެ އިތުރުން އީސީން ވަނީ އެކޮމިޝަންގެ ޕްލޭނިން އެންޑް ރަޖިސްޓްރޭޝަން ޑިވިޝަންގެ ޑިރެކްޓަރަކަށް…

ހަށިވިއްކުމުގެ ވިޔަފާރި ޕްރޮމޯޓްކުރަމުންދިޔަ ޓެލެގްރާމް ޗެނަލެއް ބަންދު ކޮށްފައިވާކަމަށް ފުލުހުން ބުނެފިއެވެ. ފުލުހުން ބުނެފައިވަނީ ބަންދު ކޮށްފައިވަނީ "އެމްވީ ކޯލް ގާލްސް" ގެ ނަމުގައި ހިންގަމުންދިޔަ ޓެލެގްރާމް ޗެނަލެއް ކަމުގައެވެ. މި ޗެނަލުން ބޮޑެތި އެކި ކުށްތަކަށް އަރައިގަތުމަށް ހިތްވަރު ލިބޭ ގޮތަށް ގިނަކަންކަން ކުރަމުން ދިޔަ ކަމަށާއި ޗެނަލް ބަންދުކޮށް އެ މައްސަލަ ފުލުހުން ބަލަމުން އަންނަ ކަމަށް ބުންޏެވެ. ނަމަވެސް އެއީ ސީދާ ކޮން ކުށްތަކެއް ކަން ފުލުހުން ހާމަކޮށްފައިނުވެ އެވެ. މީގެ ކުރިން…

ދެކުނުގެ ރަށެއްގައި ކުޑަ އަންހެން ކުއްޖަކަށް ޖިންސީ ގޯނާކުރި މައްސަލަ އެއް ފުލުހުން ބަލަން ފަށައިފިއެވެ. މިޑިއާތަކަށް ފޮނުވި މެސެޖެއްގައި ފުލުހުން ބުނީ، އުމުރުން 12 އަހަރުގެ އަންހެން ކުއްޖަކަށް ޖިންސީ ކުރި ކަމުގެ މައްސަލައެއް މިދިޔަ އާދިއްތަ ދުވަހު ރިޕޯޓްކޮށްފައިވާ ކަމަށެވެ. އެނގިފައިވާ ގޮތުން އެ ކުއްޖާ އަށް ޖިންސީ ގޯނާކުރި ކަމުގެ ތުހުމަތު ކުރެވެނީ އާއިލާ މީހެކެވެ. ފުލުހުން ބުނީ  ކުޑަކުދިންނާ ގުޅުންހުރި މައްސަލަތައް ބަލަމުންދަނީ ސީރިއަސް މައްސަލަތަކުގެ ގޮތުގައި ކަމަށެވެ. ކުޑަކުދިންގެ މައްސަލަތަކުގައި…

2023-2024 ވަނަ އަހަރުގެ ދިރާސީ އަހަރުގެ ކިޔެވުން ނިންމާ ދަރިވަރުން ބޮޑު ޗުއްޓީއަށް ގޮސްފިއެވެ. މާލެއާއި އަތޮޅުތަކުގެ ހުރިހާ ސްކޫލަކުންވެސް މި ދިރާސީ އަހަރުގެ ދެވަނަ ޓާރމްގެ ރިޕޯޓު ފޮތް މިއަދު ވަނީ ހަވާލުކޮށްފައެވެ. އަންނަ މަހުގެ 25 އާއި ހަމައަށް ކުރިޔަށް ދާނީ ސްކޫލްތަކުގެ ބޮޑު ޗުއްޓީއެވެ. 2023 ވަނަ އަހަރުގެ ދިސާރީ އަހަރުގެ ކިޔެވުން ފެށީ މިދިޔަ އަހަރުގެ އޮގަސްޓު މަހުގެ 6 ވަނަ ދުވަހުއެވެ. އަދި ދެވަނަ ޓާރމްގެ ކިޔެވުން ފަށާފައިވަނީ މިދިޔަ…

ރ. ކުޑަކުރަތު ރިސޯޓުން ފުރައިގެން މާލެއަށް ދަތުރުކުރި "ލިއޯ ޕާލް" ލޭންޑިންގ ކްރާފްޓެއް ބަންޑުން ޖަހާލައި އޭގެން ދަތުރުކުރި ފަސް މީހުންގެ ތެރެއިން އެކަކު ގެއްލިގެން ހޯދަމުން ދަނިކޮށް އޭނާ މަރުވެފައި އޮއްވާ ފެނިއްޖެއެވެ. އެމްއެންޑީއެފުން ބުނީ، އެ މީހާ ފެނިފައިވަނީ ކޮޅުވެއްޓީގެ ދަށުގައި ވަނިކޮށް ކޯސްޓްގާޑުގެ ޑައިވަރުންނަށް ކަމަށެވެ. މަރުވެފައިވަނީ ބިދޭސީއެކެވެ. "ފެނުނުއިރު މީހާގެ އެއްވެސް ހަރަކާތެއްނެތް" އެމްއެންޑީއެފުން މީޑިއާތަކަށް ފޮނުވި މެސެޖުގައި ބުންޏެވެ. އެ މީހާގެ ހަށިގަނޑު ކ. ކާށިދޫ ސިއްހީ މަރުކަޒަށް ގެންދިޔުމުގެ…

މާލޭގެ ބައެއް ގޭގޭގައި ހުރި ބާ މުސްހަފުތަކާއި، ދީނީ ފޮތްތައް ފަދަ ތަކެތި ނައްތާލުމަށް އެތަކެއްޗާއި، މިއަދުން ފެށިގެން ސިޓީ ކައުންސިލުން ހަވާލުވާން ނިންމައިފިއެވެ. މާލެ ސިޓީ ކައުންސިލުން މިއަދު ނެރުނު އިއުލާނެއްގައި ބުނެފައިވަނީ، ނައްތާލަން ބޭނުންވާ މުސްޙަފާއި ދީނީ ލިޔުންތައް ސިޓީ ކައުންސިލާ ހަވާލު ކުރުމުގެ ފުރުސަތު މިއަދުން ފެށިގެން ހުޅުވާލާފައިވާ ކަމަށެވެ. އެގޮތުން ކޮންމެ އަހަރަކު ވެސް ދެ ފަހަރު މި ފުރުޞަތު ހުޅުވާލުމަށް ސިޓީ ކައުންސިލުން ނިންމާފައިވާއިރު، މިއަދުން ފެށިގެން މެއި މަހުގެ…