މިއަދު ހެނދުނު ނިޔާވި ރައީސް އޮފީހުގެ ކުރީގެ ޗީފް ޓެކްނޮލޮޖީ އޮފިސަރު ހާމިދު ޝަފީއު ނުޔާވުމުގެ ހިތާމާގައި ރައީސް މުއިއްޒު ތައުޒިޔާ ވިދާޅުވެއްޖެއެވެ. ހާމިދު ނިޔާވުމާއި ގުޅިގެން ސޯޝަލް މީޑިއާގައި ގިނަބަޔަކު ދަނީ ހިތާމަފާޅުކޮށް ތައުޒިޔާ ކިޔަމުންނެވެ. އަދި ކުރީގެ ރައީސް ސާލިހުވެސް ވަނީ ހާމިދު ނިޔާވުމާއި ގުޅިގެން ދައުޒިޔާ ވިދާޅުވެފައެވެ. ހާމިދު ނިޔާވުމުގެ ހިތާމާގައި ތައުޒިޔާ ވިދާޅުވެ ރައީސް މުއިއްޒު ކުރެއްވި އެކްސް ޕޯސްޓުގައި ވިދާޅުވީ ހާމިދު ޝަފީއުއަކީ ރައީސުލްޖުމްހޫރިއްޔާގެ އޮފީހުގައި ދެ ފަހަރެއްގެ މަތީން…

ރައީސް އޮފީހުގެ ކުރީގެ ޗީފް ޓެކްނޮލޮޖީ އޮފިސަރު ހާމިދު ޝަފީއު މިއަދު ހެނދުނު ނިޔާވެއްޖެއެވެ. ހާމިދު ނިޔާވުމާއި ގުޅިގެން ސޯޝަލް މީޑިއާގައި ގިނަބަޔަކު ދަނީ ހިތާމަފާޅުކޮށް ތައުޒިޔާ ކިޔަމުންނެވެ. އަދި ކުރީގެ ރައީސް ސާލިހުވެސް ވަނީ ހާމިދު ނިޔާވުމާއި ގުޅިގެން ދައުޒިޔާ ވިދާޅުވެފައެވެ. ރައީސް ސާލިހުގެ އެކްސް ޕޯސްޓުގައި ވިދާޅުވެފައިވަނީ ހާމިދަކީ ރާއްޖޭގައި އިންފޮމޭޝަން ޓެކްނޮލޮޖީގެ ދާއިރާއިން ނަންފަވާލެވޭ ބޭފުޅެއްކަމަށާއި، އަދި އެދާއިރާއިން ޤައުމަށާއި ދައުލަތަށް ގިނަގުނަ އަގުހުރި ޚިދުމަތްތަކެއް އޭނާ ކޮށްދެއްވާފައިވާ ކަމުގައެވެ. އިލެކްޝަންސް ކޮމިޝަންގެ ކުރީގެ…

ގެދޮރުވެރިކަމުގެ މައްސަލަ ހައްލުކުރުމަށް ފަސް އިންސައްތައަށްވުރެ އިންޓަރެސްޓް ރޭޓް ބޮޑުނުވާ ގޮތަށް ދޫކުރާ ގެދޮރުވެރިކަމުގެ ލޯނުތައް އަންނަ އޮކްޓޫބަރުމަހު ދޫކުރަން ފަށާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެ އެވެ. ގެދޮރު އިމާރާތްކުރަން ފަސް އިންސައްތައަށްވުރެ އިންޓަރެސްޓް ރޭޓް ބޮޑުނުވާ ގޮތަށް ލޯނު ދޫކުރުމަކީ ރައީސް މުއިއްޒުގެ ރިޔާސީ ވައުދެކެވެ. މިނިވަން ދުވަހުގެ ޖަލްސާގައި ރޭ ވާހަކަދައްކަވަމުން ރައީސް މުއިއްޒު ވަނީ މި ލޯނުތައް ދޫކުރަން ކުރަންޖެހޭ ހުރިހާ މަސައްކަތެއް މިހާރު ނިމިފައިވާ ކަމަށް ވިދާޅުވެފަ…

ރިޔާސީ އިންތިހާބުގެ ތެރޭގައި ރައީސް ޑރ މުހައްމަދު މުއިއްޒު ވެވަޑައިގެންނެވި ވައުދުފުޅާ އެއްގޮތަށް ''މީޑިއާ ވިލެޖް'' ހަދާނީ ހުޅުމާލޭގައި އެސްޓީއޯ އިން އަޅާފައިވާ ހޮޓެލް އިމާރާތުގައި ކަމަށް އެމަނިކުފާނު ރޭ ވިދާޅުވެއްޖެ އެވެ. ރައީސް އެކަން ހާމަކުރެއްވީ ރާއްޖޭގެ 59 މިނިވަން ދުވަހުގެ މުނަސާތަބުގައި ބޭއްވި ޖަލްސާގަ ވާހަކަ ދައްކަވަމުން ނެވެ. ރަައީސް ވިދާޅުވި ގޮތުގައި އެ ހޮޓެލް އިމާާރާތުގެ ބައެއް ފަންގިފިލާތައް މީޑިއާ ވިލެޖަށް ހާއްސަކުރައްވާނެ ކަމަށެވެ. އަދި ކޮންމެ މީޑިއާއަކަށް ވެސް އޮފީސް ހިންގުމަށް…

ރާއްޖޭގެ މޫސުން ގޯސްވެ، ބޮޑު ސަރަހައްދަކަށް ހުދު ސަމާލު ނެރެފިއެވެ. މޫސުމާއި ބެހޭ ގައުމީ އިދާރާ (މެޓް)  އޮފީހުން ވަނީ ރާއްޖޭގެ ބޮޑު ބަޔަކަށް ހުދު ސަމާލު ނެރެފައެވެ. މެޓުން ނެރެފައިވާ ހުދު ސަމާލުގައި ބުނެފައިވަނީ 11:30 އިން ފެށިގެން ހަވީރު 17:00 އާއި ހަމައަށް ހއ. އަތޮޅުން ފެށިގެން ފުވައްލުމައް ސިޓީއާއި ހަމައަށް ބޯކޮށް ވާރޭވެހުމާއެކު ގުގުރުން އަދި ވިލާގަނޑުގައި ގަޑިއަކު 40 މޭލަށް ވައި ގަދަވާނެ ކަމަށެވެ. މެޓުން ބުނީ، މި ވަގުތުތަކުގައި ބޯކޮށް…

މިނިވަން ދުވަހުގެ މުނާސަބަތުގައި މިއަދު ހަވީރު މާލޭގައި ހިނގާފައި އުޅުމަށް ނެރުނު ޓްރެފިކް ނޯޓިސް ކެންސަލްކޮށްފައިވާ ކަމަށް މާލެ ސިޓީ ކައުންސިލުން ބުނެފިއެވެ. މާލެ ސިޓީ ކައުންސިލުން ބުނެފައިވަނީ މިއަދު ބޭއްވުމަށް ހަމަޖެހިފައިވާ ޕެރޭޑް ވިއްސާރަވުމާއި ގުޅިގެން ކެންސަލް ވެފައިވާތީ މިއަދު ހަވީރު 6-4 އަށް މާލޭގައި ހިނގާފައި އުޅެން ނެރުނު ޓްރެފިކް ނޯޓިސް ކެންސަލް ކުރެވިފައި ކަމަށެވެ. މޯލްޑިވްސް ނެޝަނަލް ކެޓޭޓް ކޮޕްސްއިން ކޮށްފައިވާ ޕޯސްޓެއްގައި ވިދާޅުވެފައިވަނީ މިނިވަންދުވަހުގެ މުނާސަބަތުގައި މާލޭގައި މިއަދު ބޭއްވުމަށް ތާވަލްކުރެވިފައިވާ…

ބަނގުރާ ދަޅުތަކަކާއެކު ހުޅުމާލެއިން ދެ މީހަކު ހައްޔަރުކޮށްފިއެވެ. މިއަދު ހެނދުނު ހައްޔަރުކޮށްފައިވަނީ 29 އަހަރުގެ ފިރިހެނަކާއި 38 އަހަރުގެ ފިރިހެނެކެވެ. މި ދެމީހުންނަކީ ވެސް ދިވެހިންނެވެ. އެ ދެ މީހުން ހައްޔަރުކޮށްފައިވަނީ ހުޅުމާލެ ފޭސް 1 ގެ ފުލުހުން ރަށުތެރެ ޕެޓްރޯލުކުރަމުން ދިޔައިރު ހުޅުމާލެ ބީޗު ކުލަބް ކައިރިން ދެ މީހަކު ދަބަހެއް އެއްލައިލާފައި ދާކަމަށް ލިބުނު މައުލޫމާތަކާ ގުޅިގެން އެ ދެ މީހުން ހުއްޓުވައި ސުވާލުކޮށްފައެވެ. އަދި އެ ދެ މީހުން އެއްލައިލި ދަބަސް ބަލައިފާސްކުރިއިރު 27…

ރައީސުލްޖުމުހޫރިއްޔާ ޑރ. މުއިއްޒުގެ ފަރާޓުން ޗައިނާގެ ރައީސް ޝީ ޖިންޕިންގ އަށް ދެ ސިޓީއެއް އަރުވައިފިއެވެ. މި ދެސިޓީ ޗައިނާގެ ރައީސަށް އެރުވުމަށް ހަވާލުކޮށްފައިވަނީ، ފޮރިން މިނިސްޓަރ މޫސާ ޒަމީރު މިއަދު ޗައިނާގެ ފޮރިން މިނިސްޓަރާއެކީ ބޭއްވި ބައްދަލުވުމުގައެވެ. ރާއްޖޭގެ ފޮރިން މިނިސްޓަރު މޫސާ ޒަމީރާއި ޗައިނާގެ ސީޕީސީގެ ސެންޓްރަލް ކޮމިޓީގެ ޕޮލިޓިކަލް ބިއުރޯގެ މެމްބަރު، ސެންޓްރަލް ކޮމިޝަން ފޯ ފޮރިން އެފެއާޒްގެ އޮފީހުގެ ޑިރެކްޓަރު އަދި ޗައިނާގެ ފޮރިން މިނިސްޓަރު ވަންގް ޔީ މިއަދުވަނީ ބެއިޖިންގައި ފުޅާ ދާއިރާއެއްގައި މަޝްވަރާ ކުރައްވައިފަ އެވެ. މިނިސްޓަރ ވަންގް ވަނީ މިނިސްޓަރ ޒަމީރަށް ޗައިނާއަށް ހޫނު މަރުޙަބާއެއް ވިދާޅުވެ، ދެޤައުމުގެ ތާރީޚީ އަދި އެކުވެރި ގުޅުން އިތުރަށް ބަދަހިކުރުމަށް ބެއިޖިންގއިން މަސައްކަތްކުރައްވާނެކަމުގެ ޔަޤީންކަން ދެއްވާފައެވެ. މިނިސްޓަރ ޒަމީރު ވަނީ ރައީސުލްޖުމްހޫރިއްޔާ ޑޮކްޓަރ މުޙަންމަދު މުޢިއްޒުގެ އަރިހުން ހޫނު މަރުޙަބާއެއް ވިދާޅުވެ، ޗައިނާގެ ރައީސް ޝީ ޖިންޕިންގއަށް ރައީސުލްޖުމްހޫރިއްޔާ ޑޮކްޓަރ މުޢިއްޒުގެ ފަރާތުން ރަސްމީކޮށް ދެ ސިޓީފުޅެއް އަރުއްވާފައެވެ. މި ބައްދަލުކުރެއްވުމުގައި މިނިސްޓަރ ޒަމީރު ދެއްކެވި ވާހަކަފުޅުގައި، މިއަހަރުގެ ޖެނުއަރީ މަހު ރައީސުލްޖުމްހޫރިއްޔާ ޑޮކްޓަރ މުޢިއްޒު ޗައިނާއަށް ކުރެއްވި ފުރަމާނަ ދަތުރުފުޅުގައި، އެއްބަސް ވެފައިވާ، ވަން-ޗައިނާ އުޞޫލާއި، ކޮމްޕްރެހެންސިވް ސްޓްރެޓެޖިކް ކޯޕަރޭޓިވް ޕާރޓްނަރޝިޕަށް ރާއްޖެއިން އަބަދުވެސް އެއްބާރުލުން ދެއްވާނެކަމުގެ ޔަޤީންކަން ދެއްވާފައެވެ. މި ބައްދަލުކުރެއްވުމުގައި، ރާއްޖެއާއި ޗައިނާއާ ދެޤައުމުގެ ދެމެދުގައި އޮތް ގުޅުން އިތުރަށް ބަދަހިކުރެއްވުމަށް ޓަކައި މުހިންމު ގިނަ މައުޟޫޢުތަކެއް ވަނީ މަޝްވަރާކުރައްވާފައެވެ. މިނިސްޓަރ ޒަމީރު ދެއްކެވި ވާހަކަފުޅުގައި، ރާއްޖެއާއި ޗައިނާއާ ދެޤައުމުގެ ދެމެދުގައި 50 އަހަރަށްވުރެ ގިނަ ދުވަހު އޮތް ގާތް ގުޅުމުގެ މައްޗަށް އަލިއަޅުއްވާލައްވައި، ދެޤައުމުގެ ގުޅުން އިތުރަށް ބަދަހިކުރެއްވުމަށް މަސައްކަތްކުރެއްވުމަށް އަލިއަޅުއްވާލެއްވިއެވެ. މިނިސްޓަރު ޒަމީރު ވަނީ ރާއްޖޭގެ އިޖްތިމާއީ އަދި އިގްތިސާދީ ކުރިއެރުމުގައި މުހިންމު ދައުރެއް އަދާކޮށްފައިވާ ބެލްޓް އެންޑް ރޯޑް އިނީޝިއޭޓިވް (ބީއާރުއައި) މެދުވެރިކޮށް ޗައިނާއިން ފޯރުކޮށްދޭ އެހީތެރިކަމަށް ޝުކުރު އަދާކުރައްވާފައެވެ. އެގޮތުން ޗައިނާ މޯލްޑިވްސް ފްރެންޑްޝިޕް ބްރިޖާއި، ވެލާނާ އިންޓަނޭޝަނަލް އެއާޕޯޓު ބޮޑުކުރުމާއި، އިޖުތިމާއީ ބޯހިޔާވަހިކަމުގެ މަޝްރޫއުތައް ފަދަ އުމްރާނީ ތަރައްގީގެ މަޝްރޫއުތަކުގެ މައްޗަށް ވެސް އެމަނިކުފާނު އަލިއަޅުއްވާލެއްވިއެވެ. މީގެ އިތުރުން މިނިސްޓަރ ޒަމީރު ވަނީ ރާއްޖޭގެ އިޤްތިޞާދީ އަދި މާލީ ޙާލަތާ ބެހޭ ގޮތުން ޗައިނާގެ ޚާރިޖީ ވަޒީރާ ޙިއްޞާކުރައްވައި، ރައީސުލްޖުމްހޫރިއްޔާ ޑޮކްޓަރ މުޢިއްޒު އިޢްލާން ކުރެއްވި ފިސްކަލް އިޞްލާޙުތައް ހަރުދަނާގޮތެއްގައި ކުރިއަށް ގެންދިއުމުގެ މުހިންމުކަމުގެ މައްޗަށް އަލިއަޅުއްވާލައްވާފައެވެ. އަދި ރާއްޖޭގެ އިޤްތިޞާދަށް ކަސްޓަމަރުންނާއި އިންވެސްޓަރުންގެ އިތުބާރު އިތުރުވެ، އިޤްތިޞާދީ ކުރިއެރުމަށް ހެޔޮ އަސަރުކުރާނެ އިޞްލާޙީ ޕްރޮގްރާމް ކުރިއަށް ގެންދިއުމުގައި ޗައިނާއިން ރާއްޖެއަށް އެއްބާރުލުން ދެއްވުމަށް ރައީސުލްޖުމްހޫރިއްޔާގެ ފަރާތުން އެދިވަޑައިގެންނެވިއެވެ. މި ބައްދަލުވުން ނިންމަވާލެއްވީ އެއްބާރުލުން ދިނުމަށް އިތުރު މަގުތައް ހޯއްދަވައިދެއްވުމަށް ދެ ފަރާތުން ވެސް މަސައްކަތް ކުރައްވާނެ ކަމުގެ ޔަޤީންކަން ދެއްވައިގެންނެވެ. މިނިސްޓަރ ޒަމީރު ދެއްކެވި ވާހަކަފުޅުގައި، ޗައިނާއިން ވެދެއްވަމުން ގެންދަވާ އެއްބާރުލެއްވުމަށް ވަރަށް އިޚްލާޞްތެރިކަމާއެކު ޝުކުރު އަދާކުރައްވައި، ރާއްޖެއާއި ޗައިނާއާ ދެމެދު އޮތް ސިޔާސީ އަދި އިޤްތިޞާދީ ގުޅުން އިތުރަށް ބަދަހިވެގެންދާނެ ކަމަށް އުއްމީދުކުރައްވާކަމުގައި ވިދާޅުވިއެވެ. މިނިސްޓަރ ޒަމީރުގެ އަރިހުގައި މިނިސްޓަރ އޮފް ފިނޭންސް ޑރ.މުޙައްމަދު ޝަފީޤާއި މިނިސްޓަރ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ ޑރ.ޢަބްދުالله މުއްތަލިބާއި، ޗައިނާގައި ހުންނަވާ ދިވެހި ސަރުކާރުގެ ސަފީރު ފަޒީލް ނަޖީބުއާއި، ޗައިނާގައި ހުންނަ ދިވެހި އެމްބަސީގެ އިސްވެރިން ބައިވެރިވެވަޑައިގެންނެވިއެވެ. ރަސްމީ މަޝްވަރާތަކަށްފަހު މިނިސްޓަރ ޒަމީރާއި ރަސްމީ ވަފުދުގެ ޝަރަފުގައި މިނިސްޓަރ ވަންގް ޔީ ދެއްވި ރިސެޕްޝަނެއް ވަނީ ބާއްވާފައެވެ.