އެސްޓީއޯ ޔޫރޯ ފޯރި ޕްރޮމޯޝަންގައި ބައިވެރި ވެގެން އަގުހުރި އެތައް އިނާމެއް ހޯދުމުގެ ފުރުސަތު ހުޅުވާލައިފި އެވެ. ޕްރޮމޯޝަންގެ މުއްދަތަކީ މިއަދުން ފެށިގެން އަންނަ ޖުލައި މަހުގެ 14 ވަނަ ދުވަހުގެ ނިޔަލަށެވެ. ޕްރޮމޯޝަން ކުރިއަށް ދާނީ އެސްޓީއޯ ޕީޕަލްސް ޗޮއިސްގެ މައި ފިހާރަ އަދި އަތޮޅު ތެރޭގެ ފިހާރަތަކުގަ އެވެ. މި ޕްރޮމޯޝަންގައި %15 އާ ހަމައަށް ޑިސްކައުންޓް ދޭނެ އެވެ.  ޕްރޮމޯޝަންގައި ހިމެނޭ އުފެއްދުންތަކަކީ ފިލިޕްސް ބްރޭންޑްގެ ޓީވީ, ހޯމް ތިއޭޓާ ސިސްޓަމް, އަދި…

ހައްޖުގެ އަޅުކަން އަދާކުރުމަށް ގޮސް އުޅުނު ދިވެއްސަކު ނިޔާވެއްޖެ އެވެ. އެގޮތުން ނިޔާވެފައިވަނީ ރ. ހުޅުދުއްފާރު ހަފީޒީ ހިޔާ އުމުރުން 80 އަހަރުގެ ފާތިމަތު ހަފީޒާ އެވެ. މި ދިވެހި ހާޖީ ނިޔާވީ ރޭގެ ވަގުތެއްގައި ކަމަށް މައުލޫމާތު ލިބެ އެވެ. އޭނާގެ މައްޗަށް ކުރާ ކަށު ނަމާދު އޮންނާނީ މަސްޖިދުލް ހަރަމްގަ އެވެ.

ރައީސް ޑރ. މުހައްމަދު މުއިއްޒުގެ އިސްނެންގެވުމުގެ މަތިން ފަލަސްތީނުގެ ރައްޔިތުންނަށް އެހީތެރިވުމަށް "ފަލަސްތީނާއެކު ދިވެހިން" ގެ ނަމުގައި ޓެލެތޯނެއް ފަށައިފި އެވެ. ޕީއެސްއެމް އިން އިންތިޒާމްކޮށްގެން މިރޭ 12 ގެ ނިޔަލަށް ކުރިއަށްގެންދާ ޓެލެތޯން ފައްޓަވައިދެއްވީ ރައީސްގެ ދެކަނބަލުން ނެވެ. ޓެލެތޯން ފެށުމުގެ ރަސްމިއްޔާތުގައި ވާހަކަދައްކަވަމުން ޕީއެސްއެމްގެ މެނޭޖިން ޑިރެކްޓަރު ޒީނާ ޒާހިރު ވިދާޅުވީ މި ހަރަކާތުން ލިބޭ ފައިސާ ފޯރުކޮށްދޭނީ ސީދާ ފަލަސްތީނުގެ ރައްޔިތުންނަށްކަން ކަށަވަރުކުރައްވާނެ ކަމަށެވެ. އެގޮތުން އެ ފައިސާ ފަލަސްތީނަށް ފޯރުކޮށްދޭނީ ޔުނައިޓެޑް…

އިންޑިއާގެ ބޮޑު ވަޒީރު ނަރެންދްރާ މޯދީ ތިން ވަނަ ދައުރަކަށް ހުވާކުރުމުގެ ރަަސްމިއްޔާތަށް އިންޑިއާއަށް ކުރެއްވި ދަތުރުފުޅަކީ ވަރަށް ކާމިޔާބު ދަތުރުފުޅެއްގެ ގޮތުގައި ރައީސް ޑރ. މުހައްމަދު މުއިއްޒު މިއަދު ސިފަކުރައްވައިފި އެވެ. ރައީސް އިންޑިއާއަށް ވަޑައިގެންނެވީ އިންޑިއާގެ ބޮޑުވަޒީރާއި އިންޑިއާ ސަރުކާރުގެ ކައުންސިލް އޮފް މިނިސްޓާސް ހުވާކުރެއްވުގެ ރަސްމިއްޔާތުގައި ބައިވެރިވެވަޑައިގެންނެވުމަށް އިންޑިއާގެ ބޮޑުވަޒީރު އެމަނިކުފާނަށް އެރުވި ދައުވަތަކަށް، މިދިޔަ ހޮނިހިރު ދުވަހު އެވެ. އެ ދަތުރުފުޅު ނިންމަވާލެއްވުމަށްފަހު އެމަނިކުފާނު ރާއްޖެ ވަޑައިގެންނެވީ މިއަދު ހެނދުނެވެ. އެ…

އިސްލާމީ ކަންތައްތަކާ ބެހޭ ވުޒާރާގެ ވަޒީރު، ޑރ. މުހައްމަދު ޝަހީމް އަލީ ސައީދު ހައްޖުގެ މަތިވެރި އަޅުކަމަށް ސައުދީ އަރަބިއްޔާއަށް ފުރާވަޑައިގެންފި އެވެ. ވަޒީރު ފުރާވަޑައިގެންނެވީ މިއަދު ހައްޖަށް ފުރި ފަހު ފްލައިޓުގެ ޙައްޖުވެރިންނާއެކު މިއަދު ހަވީރުއެވެ. "މިއަހަރުގެ ޙައްޖުގެ މަތިވެރި އަޅުކަމަށް ރާއްޖެއިން ޖުމްލަ 1150 ހައްޖާޖީން ވަޑައިގަތުމަށް ހަމަޖެހިފައިވާ ކަމަށާއި، ހައްޖުވެރިންގެ ހުރިހާ ކަމެއްވެސް ވަނީ ވަރަށް ފުރިހަމައަށް ތަރުތީބު ކުރެވިފައި" ހައްޖަށް ފުރާވަޑައިގެންނެވުމުގެ ކުރިން ނޫސްވެރިންނަށް މައުލޫމާތު ދެއްވަމުން ވަޒީރު ވިދާޅުވި އެވެ.…

ރައީސް އިބުރާހިމް މުހައްމަދު ސާލިހުގެ ސަރުކާރުގައި އޮތް ފްލެޓް ކޮމިޓީގެ މެމްބަރުނއ ދިރިއުޅޭ ތަންތަން، ކޯޓު އަމުރެއްގެ ދަށުން އޭސީސީން ބަލާ ފާސްކުރަން ފަށައިފިއެވެ. އެންޓި ކޮރަޕްޝަން ކޮމިޝަން (އޭސީސީ)ން ބުނެފައިވަނީ އެ ކޮމިޓީގެ ބޭފުޅުން ދިރިއުޅުއްވާ ތަންތަން ބަލައި ފާސްކުރުމުގެ އޮޕަރޭޝަނެއް ފަށާފައިވާ ކަމަށާއި، އެތަންތަން ބަލާ ފާސްކުރަމުންދަނީ ކޮމިޝަނުން ކުރިޔަށް ގެންދާ ޖިނާއީ ތުހުމަތަކަށް، ކޯޓު އަމުރެއްގެދަށުން ކަމުގައެވެ. ކުރީ ސަރުކާރުން ކުރިޔަށް ގެންދިޔަ ހައިސިން ސްކީމުގެ ކަންކަން ބެލެހެއްޓި ފްލެޓް ކޮމިޓީގައި 6 ބޭފުޅުން…

އިންޑިއާގެ ބޮޑުވަޒީރު ނަރެންދުރަ މޯދީއާ އެގައުމުގެ ސަރުކާރުގެ ކައުންސިލު އޮފް މިނިސްޓަރސް ހުވާކުރެއްވުގެ ރަސްމިއްޔާތުގައި ބައިވެރިވެވަޑައިގެންނެވުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިންޑިއާގެ ނިއުދިއްލީއަށް ވަޑައިގެންފި އެވެ. އެމަނިކުފާނު އިންޑިއާއަށް ވަޑައިގެންނެވީ އެ ގައުމުގެ ބޮޑުވަޒީރުގެ ދައުވަތަކަށެވެ. އިންޑިއާއަށް ރައީސް ވަޑައިގެންނެވުމުން އިންދިރާ ގާންދީ އިންޓަރނޭޝަނަލް އެއާޕޯޓުން އެމަނިކުފާނަށް މަރުޙަބާ ވިދާޅުވީ އެ ގައުމުގެ އެކްސްޓާނަލް އެފެއާޒް ހިންގުމާ މިވަގުތު އެންމެ އިސްކޮށް ހަވާލުވެ ހުންނެވި މިނިސްޓްރީ އޮފް އެކްސްޓާނަލް އެފެއާޒްގެ ސެކްރެޓަރީ ޕަވަން ކަޕޫރާއި އިންޑިއާއަށް ރާއްޖެއިން…

ރައީސް ޑރ. މުހައްމަދު މުއިއްޒުގެ އަނބިކަނބަލުން، މެޑަމް ސާޖިދާ މުހައްމަދުގެ ދޮންބައްޕާފުޅު އަވަހާރަ ވެއްޖެ އެވެ. ސާޖިދާގެ ދޮންބައްޕާފުޅު، އަލީ އިބްރާހީމް އުމުރުން 78 އަހަރުގައި އަވަހާރަވީ ރޭގެ ވަގުތެއްގަ އެވެ. މެޑަމް ސާޖިދާ މުޙައްމަދުގެ  ދޮންބައްޕާފުޅު ޢަލީ އިބްރާހީމްގެ ޖަނާޒާގައި ވީހާ ވެސް ގިނަ ބަޔަކު ބައިވެރިވުމަށް ރައީސް ޑރ. މުހައްމަދު މުއިއްޒު ވެސް ވަނީ އެދިވަޑައިގެންފައެވެ. އަދި ސަރުކާރު ހިންގާ މައި ޕާޓީ، ޕީޕީއެމް/ޕީއެންސީން ވަނީ ތައުޒިޔާ ކިޔައި ބަޔާނެއްވެސް ނެރެފައެވެ. ރައީސް ޑރ. މުޙައްމަދު…