ފައްޔާޒާއި ރޮޒައިނާއަކީ އިންތިޚާބުގައި ވާދަކުރައްވާ ދެ ކެންޑިޑޭޓުންކަމަށާއި "އެހާ ބޮޑަށް އަތްއުކައި، ކަނޑިކި ނަގާ، ކަރުބުޑުން ނެރޭ އަޑުފައްގަނޑު ނެރި ހަޅޭލެވުން އެއީ އެޕާޓީއަށް ލިބޭ ވަރަށްބޮޑު ހުތުރެއްކަމަށް" ނަޝީދު ވިދާޅުވެއްޖެ އެވެ. އެންމެ ފަހުން ބޭއްވި އެމްޑީޕީގެ ގައުމީ މަޖިލީހުގެ ޖަލްސާގައި ޗެއާޕާސަނެއް އިންތިޚާބު ކުރުމަށް ނަގާ ވޯޓު ރޯދަ މަސް ތެރެއަށް ވުމުން އުނދަގޫތަކެއް ކުރިމަތިވާނެ ކަމަށް ވިދާޅުވެ ގައުމީ މަޖިލީހުން ގޮތެއް ނިންމަން ހުށަހެޅުއްވީ ޗެއާޕާސަން ކަމަށް ވާދަކުރައްވާ އިކޮނޮމިކް މިނިސްޓަރު ފައްޔާޒް…

ވޭތުވެދިޔަ 3 އަހަރުދުވަހުގެ ތެރޭގައި، އެއްވެސް ދިވެއްސަކު ހަނގުރާމަވެރި ސަރަޙައްދެއްގެ ގޮތުގައި ކަނޑައަޅާފައިވާ ސަރަޙައްދަކަށް ގޮސްފައިވާކަމުގެ އެއްވެސް ރިކޯޑެއް ލިބިފައިނުވާކަމަށް ޑިފެންސް މިނިސްޓަރ މާރިޔާ އަޙްމަދު ދީދީ ވިދާޅުވެއްޖެއެވެ. ޑިފެންސް މިނިސްޓަރ މާރިޔާ މިފަދައިން ވިދާޅުވީ ކޮލޮމްބޯ ސެކިއުރިޓީ ކޮންކްލޭވްގެ 5 ވަނަ ބައްދަލުވުން ފެށުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ. ކޮލޮމްބޯ ސެކިއުރިޓީ ކޮންކްލޭވްއަކީ އިންޑިޔާއާއި، ސްރީލަންކާއާއި ރާއްޖެއިން ގުޅިގެން، ސަލާމަތީ ރޮނގުން އެއްބާރުލުން އިތުރުކުރުމަށް އުފައްދާފައިވާ ފްރޭމްވަރކެކެވެ. މިފްރޭމްވަރކް ބިނާވެފައިވަނީ މައިގަނޑު 4 ތަނބެއްގެ މައްޗަށެވެ.…

އެމްޑީޕީގެ ގައުމީ މަޖިލީހުގެ އަޣްލަބިއްޔަތުން ޗެއަރޕަރސަންގެ އިންތިޚާބު މެއިމަހުގެ 14އަށް ފަސްކޮށްފިއެވެ. އެމްޑީޕީގެ އެތެރޭގެ އިންތިޚާބު މީގެ ކުރިން ބޭއްވުމަށް ނިންމީ އެޕްރީލް މަހުގެ 16 ވަނަ ދުވަހުއެވެ. ނަމަވެސް ރަމަޟާން މަހުގެ ތެރޭގައި އިންތިޚާބު ބާއްވަން ޖެހޭތީ ޗެއަރޕަރސަންގެ އިންތިހާބަށް ކުރިމަތިލެއްވި އިކޮނޮމިކް މިނިސްޓަރ ފައްޔާޒު އިސްމާއީލް ހުށަހެޅުއްވީ އިންތިޚާބު ރަމަޟާން މަހުގެ ތެރޭގައި ނުބާއްވައި, އެހެން ތާރީޚެއް ގައުމީ މަޖިލީހުން ކަނޑައަޅައިދިނުމަށެވެ. އިންތިޚާބު ބާއްވަން ކުރިން ކަނޑައެޅި ތާރީޚު ރޯދަ މަހާ ދިމާވާތީ އިންތިޚާބު…

ވިހެއުމުގެ ޗުއްޓީ ފަނޑިޔާރުންނަށްވެސް ލިބިދޭ ގޮތަށް ފަނޑިޔާރުންގެ ޤާނޫނަށް އިސްލާހު ގެނައުމުގެ ބިލު ރައްޔިތުންގެ މަޖިލީހުން ފާސްކޮށްފިއެވެ. ހޯމަ ދުވަހުގެ މަޖިލީހުގެ ޖަލްސާގައި ބިލު ފާސްކޮށްފައިވަނީ 57 މެމްބަރުން ވޯޓުންނެވެ. ސަރުކާރުގެ ފަރާތުން މި ބިލު ހުށަހެޅުއްވީ، ކަނޑިތީމު ދާއިރާގެ އަބްދުﷲ ޝަހީމް އަބްދުލް ހަކީމެވެ. މި އިސްލާހަކީ ދައުލަތުގެ މުވައްޒަފުންނަށް މިހާރުވެސް ދެމުން އަންނަ ވިހެއުމުގެ ޗުއްޓީ ފަނޑިޔާރުންނަށްވެސް ދިނުމަށްޓަކައި ފަނޑިޔާރުންގެ ގާނޫނަށް ހުށަހެޅުނު އިސްލާހެކެވެ. ވިހެއުމާއި ގުޅިގެން ދައުލަތުގެ މުވައްޒަފުންނަށް ދޭ ޗުއްޓީ މިހާރު ލިބެނީ…

އެކި މައްސަލަތަކުގައި ފުލުހުންގެ ބެލުމުގެ ދަށަށް ގެނެސްފައިވާ ތަކެތީގެ ތެރެއިން ގއ. ވިލިނގިލި ޕޮލިސް ސްޓޭޝަންގެ ބެލުމުގެ ދަށުގައި ހުރި ބަނގުރާ ނައްތާލައިފިއެވެ. މިތަކެތި ނައްތާލާފައިވަނީ މި މާރިޗު މަހުގެ 5 ވަނަ ދުވަހު ވިލިނގިލި ޕޮލިސް ސްޓޭޝަނުގައެވެ. އެގޮތުން، ނައްތާލާފައިވަނީ 381 ފުޅި ބަނގުރައާއި 219 ދަޅު ބިޔަރެވެ. މި ތަކެއްޗަކީ 2021 އޮކްޓޯބަރ 26 އިން ޑިސެމްބަރ 15 އަށް ކޫއްޑޫ އެއާޕޯޓަށް ފުރަންދިޔަ ފަތުރުވެރިންގެ އަތުން ފުލުހުންގެ ބެލުމުގެ ދަށަށް ގެނެސްފައިވާ ތަކެއްޗެވެ.…

އަންނަ ރަމަޟާންމަހު ސަރުކާރުގެ ރަސްމީ މަސައްކަތު ގަޑިއަކީ ހެނދުނު 9:00 ން ފެށިގެން މެންދުރު 1:00 އަށް ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ހަމަޖައްސަވައިފިއެވެ. ރައީސް އޮފީހުން މިއަދު ބުނީ މިއަހަރުގެ ރަމަޟާންމަހުގެ ރަސްމީ މަސައްކަތު ގަޑިއާއި، ޝައްވާލުމަހުގެ ފުރަތަމަ ހަތް ދުވަހުގެ ރަސްމީ މަސައްކަތު ގަޑިއަކީ ހެނދުނު 09:00 އިން ފެށިގެން މެންދުރު 1:00ގެ ނިޔަލަށް ކަމަށް ރައީސް ނިންމަވާފައިވާ ކަމަށެވެ. އެކަން ހާމަކުރައްވާފައި ވަނީ، ރަމަޟާންމަހުގެ ރަސްމީ މަސައްކަތު ގަޑި ހަމަޖައްސަވައި، ރައީސުލްޖުމްހޫރިއްޔާގެ…

ހައިކޯޓުން ނެރެފައިވާ އަމުރެއްގެ ދަށުން މީހަކު ބަންދުކޮށްފައި ވަނިކޮށް، ހައިކޯޓުގެ އަމުރު ސަސްޕެންޑް ކުރުމަށްފަހު އެ ނިންމުމާ ގުޅޭގޮތުން ނޫސްބަޔާން ނެރުނު މެޖިސްޓްރޭޓްގެ މައްސަލަ ބެލުމަށް ޖުޑިޝަލް ސާވިސް ކޮމިޝަނުން ނިންމައިފިއެވެ. އެކޯޓުން ބަލަން ނިންމީ ސ. ހިތަދޫ މެޖިސްޓްރޭޓް ކޯޓުގެ މެޖިސްޓްރޭޓް ރަދީޢުއްދީން އަޙްމަދުގެ މައްސަލައެވެ. އެމައްސަލައަކީ 98 ކިލޯގެ މަސްތުވާތަކެތި ކަނޑުމަގުން ރާއްޖެއަށް ގިނަ އަދަދެއްގެ މަސްތުވާތަކެތި އެތެރެކުރުމުގެ ދައުވާލިބޭ މީހަކު ހައި ކޯޓުގެ އަމުރެއްގެ ދަށުން ޝަރީއަތް ނިމެންދެން ބަންދުކޮށްފައި ހުއްޓާ ސ. ހިތަދޫ…

ސްޓެލްކޯގެ ދަށުން ހިންގާ އިންޖީނުގެތަކުގެ މެނޭޖަރުންނަށް ހާއްސަކޮށްގެން ބޭއްވި "ޕަވަރ ހައުސް މެނޭޖާރސް ޑިވޮލޮޕްމަންޓް ޕްރޮގްރާމް 2022" ނިންމާލައިފިއެވެ. މި ޕްރޮގްރާމް ނިންމައި، ޕްރޮގްރާމް ފުރިހަމަ ކުރި ބައިވެރިންނަށް ރޭ ވަނީ ސެޓްފިކެޓް ދީފައެވެ. އެ ބައިވެރިންނާއި ސެޓްފިކެޓްތައް ހަވާލުކޮށްދެއްވީ، ޑެޕިއުޓީ މެނޭޖިންގ ޑިރެކްޓަރ ޑރ. އަލީ އަޒުވަރުއެވެ. ސްޓެލްކޯއިން ދިން މައުލޫމާތަށް ބަލާއިރު، މި ޕްރޮގްރާމްގެ ސަބަބުން ކުންފުނީގެ އިންޖީނުގެތަކުގެ ހިންގުން އިތުރަށް ހަރުދަނާކޮށް، ރައްޔިތުންނަށް ދެމުންގެންދާ ހިދުމަތްތަކުގެ ފެންވަރު އިތުރު ހަރުފަތަކަށް ގެންދެވިގެންދާނެ އެވެ.…