ސައޫދީ ޢަރަބިއްޔާގެ ފަރާތުން ދިވެހި ޙައްޖުވެރިންނަށް ޚާއްސަކޮށް ތައްޔާރުކޮށްފައިވާ މައްކާ ރޫޓު އިނީޝިއޭޓިވް ރަސްމީކޮށް ފެށުމަށް ބޭއްވޭ ރަސްމިއްޔާތުގައި ބައިވެރިވެވަޑައިގަތުމަށް ސައޫދީ ދާޚިލީ ވަޒީރުގެ ޚާއްސަ އެޑްވައިޒަރު ލެފްޓިނެންޓް ޖެނެރަލް ސުލައިމާން ބިން އަބްދުލްއަޒީޒު އަލްޔަޙްޔާގެ އިސްނެންގެވުމާއެކު ސައޫދީ އިސްވެރިންގެ ވަފުދެއް ރާއްޖެ އައިސްފިއެވެ. މި ވަފުދުގައި މައްކާ ރޫޓު އިނީޝިއޭޓިވް ކޮމިޓީގެ ޗެއާމަންގެ ހައިސިއްޔަތުން އަލްޔަޙްޔާގެ އިތުރުން އެތައް އިސްވެރިން ހިމެނިވަޑައިގަންނަވައެވެ. ވެލާނާ އިންޓަނޭޝަނަލް އެއާޕޯޓުގައި ސައޫދީ ވަފުދަށް މަރުޙަބާ ކިޔުއްވީ އިސްލާމިކް މިނިސްޓަރ ޑރ.…

ރައީސް ޑރ. މުޙައްމަދު މުޢިއްޒު، އާޖެންޓީނާގެ ޤައުމީ ދުވަހުގެ މުނާސަބަތާ ގުޅިގެން އެ ޤައުމުގެ ރައީސަށް ތަހުނިޔާގެ މެސެޖެއް ފޮނުއްވައިފިއެވެ. މިގޮތުން ރައީސްގެ މެސެޖުގައި ވަނީ އާޖެންޓީނާގެ ސަރުކާރަށާއި ރައްޔިތުންނަށްވެސް ދުވަހުގެ ތަހުނިޔާ އަރިސްކުރައްވައިފައެވެ. މީގެ އިތުރުން ރައީސްގެ މެސެޖުގައި ވަނީ އާޖެންޓީނާގެ ރައީސްގެ ޞިއްޙަތާއި ދުޅަހެޔޮކަމަށް އެދިވަޑައިގެން، އާޖެންޓީނާގެ ރައްޔިތުންގެ ކުރިއެރުމާއި ތަނަވަސްކަން ދެމިއޮތުމަށްވެސް އެދިވަޑައިގެން ހެޔޮއެދުންތައް ފޮނުއްވައިފައެވެ.  

މޯލްޑިވްސް އިމިގްރޭޝަނުން ހިންގާ އޮޕަރޭޝަންތަކުގައި ބޮޑީ ކެމެރާ ބޭނުންކުރަން ފަށައިފިއެވެ. މިގޮތުން އިމިގްރޭޝަނުންގެ އޮފިސަރުން ބޮޑީ ކެމެރާގެ ބޭނުން ފުރަތަމަ ފަހަރަށް ކޮށްފައިވަނީ އިއްޔެ ހުޅުމާލޭ ފުރަތަމަ ފިޔަވަހީގައި ހިންގި ރެއިޑް އޮޕަރޭޝަނެއްގައެވެ. އިމިގްރޭޝަނުން ބުނީ ގަވާއިދާ ހިލާފަށް އުޅޭ ބިދޭސީން ބަލައި ފާސްކުރުމަށް ކުރަމުންދާ މަސައްކަތުގެ ތެރެއިން، އިއްޔެ ހުޅުމާލެ ފޭސް 1 ގެ ސަރަހައްދެއް ބަލައި ފާސްކޮށް، ގަވާއިދާ ހިލާފަށް އުޅެމުންދިޔަ 03 ބިދޭސީއަކު އެ މުއައްސަސާގެ ބެލުމުގެ ދަށަށް ގެންގޮސްފައިވާ ކަމަށެވެ. އަދި…

ޙައްޖު މަހުގެ ފުރަތަމަ 10 ދުވަހަކީ މި ދުނިޔޭގައި ލައްވައިފައިވާ އެންމެ މާތް ދުވަސްތައް ކަމަށާއި، އެ ދުވަސްތަކުގައި ޞާލިޙު އަމަލުތައް ގިނަކުރުމަށް މިއަދުގެ ހުކުރު ޚުތުބާގައި ނަސޭހަތްތެރިވެއްޖެއެވެ. "ޙައްޖު މަހުގެ ފުރަތަމަ ދިހަ ދުވަހުގެ މާތްކަން" މިމައުޟޫއަށް ޚާއްސަކުރެވުނު މިއަދުގެ ހުކުރު ޚުޠުބާގައި ބުނީ ޙައްޖުމަހުގެ ފުރަތަމަ ދިހަ ދުވަހުގެ މާތްކަމުގެ ތެރޭގައި މާތް ﷲ މިމަތިވެރި އިސްލާމްދީން ފުރިހަމަ ކޮށްދެއްވުން ހިމެނޭކަމަށެވެ. ޚުތުބާގައި ބުނީ މާތްﷲގެ ހަޟުރަތުގައި އެންމެ ލޮބުވެތިވެގެންވާ މައްސަރުތަކަކީ ހުރުމަތްތެރިވެގެންވާ މައްސަރުތައް…

ވައިގެ މަގުން ރާއްޖެއަށް އެތެރެކުރަން އުޅުނު 3.6 ކިލޯގެ މަސްތުވާތަކެތި ވެލާނާ އިންޓަނޭޝަނަލް އެއާޕޯޓު (ވީއައިއޭ)އިން އިން ރޭ އަތުލައިގެންފިއެވެ. ކަސްޓަމްސް އިން ބުނީ، މި ތަކެތި އަތުލައިގަތީ ވައިގެ މަގުން ރާއްޖެ އެތެރެކޮށްފައިވާ ޝިޕްމެންޓެއްގައި މަސްތުވާތަކެތި ހުރިކަމަށް އިންޓެލިޖެންސަށް ލިބުނު މަޢުލޫމާތަކާ ގުޅިގެން  އެ ޝިޕްމެންޓް ބަލައި ފާސްކުރުމަށް ހިންގި އޮޕަރޭޝަނެއްގެ ތެރެއިން ކަމަށެވެ. އަތުލައިގަނެވުނު މަސްތުވާތަކެތި ފުރަތަމަ މަރުޙަލާގެ ތަހުލީލުތަކުން މެތަމްފެޓަމައިން އަށް ޕޮޒިޓިވްވެފައިވާ ކަމަށް ކަސްޓަމްސްއިން މައުލޫމާތުދިނެވެ.   އަތުލައިގަތް ތަކެތީގެ ބަރުދަނުގައި…

މިދިޔަ މަހުގެ 18 ވަނަ ދުވަހު ހ. މިޓާޒްގެ ފުރާޅު މައްޗަށް ވެއްޓިފައި އޮއްވާ ފެނުނު ހައްވާ ޔުމްނު ރަޝީދުއާ އެއްކޮށް ހާދިސާ ހިނގި ވަގުތު ހުރި، ގ. އެރިޔަދޫ، ރައުދު އަހުމަދު ޒިލާލް މިއަދު ދޫކޮށްލުމަށް ފަހު އަލުން ހައްޔަރުކޮށްފިއެވެ. ރައުދު ހައްޔަރުކޮށްފައިވަނީ ކްރިމިނަލް ކޯޓުގެ އައު އަމުރެއްގެ ދަށުން، އޭނާ ދިރިއުޅޭ ގޭގައި ހުއްޓައެވެ. ރައުދު ކުރިން ބަންދުން ދޫކޮށްލާފައިވާކަން ހާމަވެފައިވަނީ އޭނާގެ ބަންދާ ގުޅިގެން ހައިކޯޓުގައި އިސްތިއުނާފުކޮށްފައިވާ މައްސަލަ މިއަދު ތާވަލުކޮށްފައި އޮއްވައި،…

ރާއްޖެއަށް ލިބިފައިވާ އެންމެ ބޮޑު ނިޢުމަތަކީ ޤުދުރަތީ ރީތިކަން ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. އެމަނިކުފާނު މިހެން ވިދާޅުވީ މިއަދު ފާހަގަކުރަމުންދާ ބައިނަލްއަގުވާމީ ދިރޭތަކެތީގެ ނަސްލުގެ ދުވަހާ ގުޅުވައިގެން ކުރެއްވި ޕޯސްޓެއްގައެވެ. ސޯޝަލް މީޑިއާގައި ހިއްސާ ކުރެއްވި ޕޯސްޓުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވީ ޤުދުރަތީ ރީތިކަމަކީ، ދިވެހިރާއްޖެއަށް ލިބިފައިވާ އެންމެ ބޮޑު ނިޢުމަތް ކަމަށާއި އެ އަގުހުރި ނިޢުމަތަށް ރައްކާތެރިވެވޭނީ، ދިރޭ ތަކެތީގެ ނަސްލު ޙިމާޔަތްކޮށް ދަމަހައްޓައިގެން ކަމަށެވެ. މިއަދަކީ "އިންޓަރނޭޝަނަލް…

މޯލްޑިވްސް ކަރެކްޝަނަލް ސަރވިސް (އެމްސީއެސް) އާއި ކީރިތި ޤުރުއާނާބެހޭ ޤައުމީ މަރުކަޒާ ދެމެދު، ޖަލުތަކުގައި ތިބޭ ޤައިދީންނަށް ޤުރުއާން އުނގަންނައިދިނުމަށް މިއަދު އެއްބަސްވުމެއްގައި ސޮއި ކޮށްފިއެވެ. ސަލްމާން މިސްކިތުގައި ބޭއްވުނު މި ރަސްމިއްޔާތުގައި އެމްސީއެސްގެ ފަރާތުން ކޮމިޝަނަރ އޮފް ޕްރިޒަންސް ހަސަން ޒަރީރު، އަދި ކީރިތި ޤުރުއާނާބެހޭ ޤައުމީ މަރުކަޒުގެ ފަރާތުން އިސްލާމިކް މިނިސްޓްރީގެ ސްޓޭޓް މިނިސްޓަރ އަބްދުﷲ ސައުދާން ވަނީ ދެ އަހަރު ދުވަހުގެ މުއްދަތަށް މި ފަހުމުނާމާގައި ސޮއިކުރައްވާފައެވެ. ޖަލުތަކުގައި ތިބޭ އެންމެހާ ފަރާތްތަކަށް…