އާ އީޖާދުތަކާއި ވިސްނުންތަކުގެ ތެރެއިން ރާއްޖޭގެ ދެމެހެއްޓެނިވިކަމާއި ކުރިއެރުމަށް މަސައްކަތްކުރަންޖެހޭކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. ރައީސް ޑރ މުއިއްޒު މިފަދައިން ވިދާޅުވީ ދުނިޔޭގެ އުފެއްދުންތެރިކަމާއި އީޖާދުގެ ދުވަހާ ގުޅިގެން މީސްމީޑިއާގައި ކުރެއްވި ޕޯސްޓެއްގައެވެ. އ.ދ އިން ފާހަގަކުރާ މި ދުވަހަކީ އިންސާނީ ތަރައްޤީގައި އުފެއްދުންތެރިކަމާއި އީޖާދުގެ ދައުރަށް މީހުން ހޭލުންތެރިކުރުމަށް ކަނޑައަޅާފައިވާ ދުވަހެކެވެ. މި ދުވަހާ ގުޅިގެން ރައީސް މުޢިއްޒު ވަނީ އުފެއްދުންތެރިކަމާއި އީޖާދީ ވިސްނުމަށް އިސްކަންދޭ ރާއްޖެއަކަށް ބިނާކުރުމަށް އަމާޒު ހިފަންޖެހޭ ކަމަށް…

ށ. އަތޮޅު މިލަންދޫގައި ދިވެހި ރައްޔިތެއްކަން އަންގައިދޭ ކާޑު ދޫކުރުމުގެ ޚިދުމަތް ފަށައިފިއެވެ. ޑިޕާޓްމަންޓް އޮފް ނޭޝަނަލް ރަޖިސްޓްރޭޝަން (ޑީއެންއާރު) އިން މިއަދު ބުނީ އައިޑީ ކާޑު ޕްރިންޓްކުރުމުގެ ޚިދުމަތް މިލަންދޫ ކައުންސިލްގައި ޤާއިމްވެފައިވާ ކަމަށެވެ. މިއާއެކު މިލަންދޫގެ ރައްޔިތުންނަށް 24 ގަޑިއިރުގެ ތެރޭގައި ސީދާ ރަށުން އައިޑީ ކާޑު ލިބޭނެ ކަމަށް ޑީއެންއާރުން ބުންޏެވެ. މި މަހުގެ 17 އިން ފެށިގެން ޑީއެންއާރުން ވަނީ އައިޑީ ކާޑު ޕްރިންޓްކޮށް ދޫކުރުމުގެ ޚިދުމަތް ށ. އަތޮޅު ކައުންސިލަށްވެސް…

ދުންފަތް ކޮންޓްރޯލް ކުރުމަށް ހެދިފައިވާ ޤާނޫނުތައް ތަންފީޒުކުރުމުގެ ކަންކަން ހަރުދަނާ ކުރުމުގެ ގޮތުން މިނިސްޓްރީ އޮފް ހެލްތު، މޯލްޑިވްސް ޕޮލިސް ސަރވިސް އަދި މޯލްޑިވްސް ކަސްޓަމްސް ސަރވިސް ގުޅިގެން އިންސްޕެކްޝަން އެއް ފަށައިފިއެވެ. މިއަދު މާލެ ސަރަހައްދުގައި ކުރިއަށް ދިޔަ މި އިންސްޕެކްޝަންގައި މޯލްޑިވްސް ފުޑް އެންޑް ޑްރަގް އޮތޯރިޓީ އަދި އެޗްޕީއޭގެ އިންސްޕެކްޝަން ޓީމްގައި ފުލުހުން އަދި ކަސްޓަމްސް އިން ވަނީ ބައިވެރިވެފައެވެ. މި އިންސްޕެކްޝަންގައި ސިގިރޭޓް ވަކިން ވިއްކުަމާއި ހުއްދަ ދެވިފައިވާ ތަންތަން ނޫން…

ލ.ގަމުގައި ފަށާ ތިމާވެއްޓާއި ސައިންސާއި ބެހޭ ކޯހުގެ ދަރިވަރުންނަށް ސްކޮލަރޝިޕް މިއަދު ހަވާލުކޮށްފިއެވެ. ލ. ގަމު ކެމްޕަސްގައި މިއަދު އޮތް ރަސްމިއްޔާތެއްގައި މޯލްޑިވްސް ނޭޝަނަލް ޔުނިވަރސިޓީ އަދި މިނިސްޓްރީ އޮފް ޓޫރިޒަމް އެންޑް އެންވަޔަރމަންޓް މިނިސްޓްރީގެ އިސްވެރިން ބައިވެރި ވަޑައިގެންނެވިއެވެ. ލ.ގަމު ކެމްޕަހުގައި ބެޗްލަރ އޮފް ސައިންސް އިން ކްލައިމެޓް ޗޭންޖް ކޯސް ހިންގުމަށް މިނިސްޓްރީ އޮފް ޓޫރިޒަމް އެންޑް އެންވަޔަރަމަންޓް އާއި ޤައުމީ ޔުނިވަރސިޓީއާއި ދެމެދު ވެސް ވަނީ އެއްބަސްވުމެއްގައި ސޮއިކޮށްފައެވެ. އެންދެރި ޕްރޮޖެކްޓްގެ ދަށުން…

މި ދުވަސްވަރަކީ ރާއްޖެއަށް ހޫނު ދުވަސްވަރެއްކަމުން އެންމެންވެސް ކަރަންޓް ބޭނުންކުރުމުގައި ހާއްސަ ސަމާލުކަމެއް ދިނުމަށް ސްޓެލްކޯގެ އެމްޑީ ހުސައިން ފަހުމީ އިލްތިމާސްކުރައްވައިފިއެވެ. ފަހުމީ މިފަދައިން ވިދާޅުވީ އެކްސްގައި ކުރެއްވި ޕޯސްޓެއްގައެވެ.   އިހްސާސްކުރެވޭ ހޫނުމިން މަތިވަމުންދާކަން ފާހަގަކުރައްވާ، ފަހުމީ ވަނީ އޭސީ ފަދަ ތަކެތި ބޭނުންކުރާއިރު، އޭގެ ފިނިކަން 25 ޑިގްރީއަށްވުރެ ދަށް ނުކުރުމަށާއި، ކޮންމެހެން ބޭނުންވާ މިންވަރަށް މެނުވީ ކަރަންޓު ބޭނުން ނުކުރުމަށް އެދިފައެވެ. މި އަހަރުގެ މިހާތަނަށް މާލެ ސަރަހައްދުގައި އެންމެ ގިނައިން ކަރަންޓު…

ހައިކޯޓުގެ އިސްފަނޑިޔާރުކަމުގެ މަޤާމަށް އެ ކޯޓުގެ ފަނޑިޔާރު އަލްއުސްތާޛު މުޙައްމަދު ފައިޞަލް ހަމަޖެއްސުމަށް ޖުޑީޝަލް ސަރވިސް ކޮމިޝަން (ޖޭއެސްސީ) އިން ނިންމައިފިއެވެ. ޖޭއެސްސީން މިގޮތަށް ނިންމާފައިވަނީ މިދިޔަ މަހު ބޭއްވި އެ ކޮމިޝަނުގެ މިއަހަރުގެ 15 ވަނަ ޖަލްސާގައެވެ. ފަނޑިޔާރު އަލްއުސްތާޛު މުޙައްމަދު ފައިޞަލްއަކީ ދިވެހިރާއްޖޭގެ ކޮލެޖް އޮފް އިސްލާމިކް ސްޓަޑީޒްއިން ޝަރީޢަތާ ޤާނޫނީ ދާއިރާއިން ފުރަތަމަ ޑިގްރީ ޙާސިލްކުރައްވާފައިވާ ބޭފުޅެކެވެ. އަދި 2012 ވަނަ އަހަރުން ފެށިގެން ޤާނޫނީ ދާއިރާގެ ގިނަ މަސައްކަތްތަކެއް ކުރައްވާފައިވެއެވެ. އެގޮތުން…

ފުވައްމުލަކު ސިޓީގެ ކޮންސްޓްރަކްޝަން ސައިޓެއްގައި މަސައްކަތްކުރަން ހުރި ޒުވާނަކު ކުއްލި ގޮތަކަށް ނިޔާވެއްޖެއެވެ. ފުލުހުން މިއަދު ބުނީ ފުވައްމުލަކު ހޮސްޕިޓަލަށް ގެންދިޔަ މީހަކު އެ ހޮސްޕިޓަލަށް ގެންދިޔައިރުވެސް ނިޔާވެފައިވާ މައްސަލަ މިއަދު 12:11 ހާއިރު ރިޕޯޓުކޮށްފައިވާ ކަމަށެވެ. މިގޮތުން ނިޔާވެފައިވަނީ ރ. އަލިފުށި، އަބަދަށްހިޔާގެ، ޢަބްދުﷲ ރިޝްދާން (27 އ) އެވެ. ފުލުހުން ބުނީ މިހާތަނަށް ބެލި ބެލުމުން، އެމީހާ ހޮސްޕިޓަލަށް ގެންގޮސްފައިވަނީ ކޮންސްޓްރަކްޝަން މަސައްކަތްކުރާ ސައިޓެއްގައި މަސައްކަތް ކުރަން ހުއްޓައި ޚަބަރު ހުސްވެގެން ވެއްޓިގެންކަން އެނފިފައިވާ…

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ދިވެހިރާއްޖެއަށް މިހާރު ވަޑައިގެން އުޅުއްވާ މަޝްހޫރު މީސްމީޑިއާ މަންސަ، ޓިކްޓޮކް ގެ އިސް ވަފުދާ މިއަދު ބައްދަލުކުރައްވައިފިއެވެ. މި ބައްދަލުވުމުގައި ޓިކްޓޮކާ ގުޅިގެން މަސައްކަތް ކުރެވިދާނެ ދާއިރާތަކާ ގުޅޭގޮތުން ވަނީ މަޝްވަރާކުރައްވައިފައެވެ. މީގެ އިތުރުން މި ބައްދަލުވުމުގައި ރައީސް ވަނީ، ރާއްޖެ ޑިޖިޓަލައިޒްކުރުމަށް އެމަނިކުފާނު ގެންގުޅުއްވާ ތަޞައްވުރު ހިއްސާކުރައްވައިފައެވެ. އަދި ޓިކްޓޮކްގެ ވަފުދުން ވަނީ އެބޭފުޅުންނަށް މި ތަޞައްވުރަށް ވާސިލްވުމުގައި އެހީތެރިކަން ފޯރުކޮށްދެވޭނެ ގޮތްތަކުގެ މައްޗަށް އަލިއަޅުއްވާލައްވައިފައެވެ. މި ބައްދަލުވުމުގައި ރައީސް…