ދިވެހި ޤައުމިއްޔަތު މަޝްރޫޢުގެ ވިލަރެސްވެރީންނަށް އަމާޒުކޮށް، ނޫސްވެރިކަމުގެ ކުރު ތަމްރީނު ޕްރޮގްރާމެއް މިއަދު ފަށައިފިއެވެ. މި މަހުގެ 2 އިން 12 ގެ ނިޔަލަށް ކުރިއަށް ގެންދާ، މި ކޯހުގައި ކިޔަވައިދެއްވާނީ ނޫސްވެރިކަމުގެ ދާއިރާގައި ރާއްޖޭގައި ތިއްބެވި އެންމެ ތަޖުރިބާކާރު ބޭފުޅުންނެވެ. އެއީ ނޫސްވެރިކަމުގައި 25 އަހަރަށްވުރެ ގިނަ ދުވަހު ޚިދުމަތް ކުރައްވައި، ނޫސްވެރިކަން ނުވަތަ ލިޔުންތެރިކަމުގެ ރޮނގުން ޤައުމީ އިނާމު ލިބިވަޑައިގެންފައިވާ ބޭފުޅުންނެވެ. މި ތަމްރީން ޕްރޮގްރާމް ކުރިއަށް ދާނީ ދިވެހި ބަހާއި ސަގާފަތާއި ތަރިކައާ…

ފަލަސްތީނަށް އެހީތެރިވުމުގެ ގޮތުން، މުޅި ރާއްޖޭގައި ފަންޑު ރައިސިން ހަރަކާތެއް ބޭއްވުމަށް މިއަދު ވަޒީރުންގެ މަޖިލީހުން ނިންމައިފިއެވެ. ސަރުކާރުގެ މި ނިންމެވުން އިޢުލާންކުރެއްވީ މިއަދު ރައީސުލްޖުމްހޫރިއްޔާގެ އޮފީހުގައި ބޭއްވެވި ނޫސްވެރިންގެ ބައްދަލުވުމުގައި މިނިސްޓަރ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީ ޢަލީ އިޙްސާނެވެ. ނޫސްވެރިންނަށް މައުލޫމާތު ދެއްވަމުން އިހުސާން ވިދާޅުވީ މި ފަންޑު ރެއިސިން ހަރަކާތް ހިންގަނީ ޔޫ.އެން ރިލީފް އެންޑް ވޯރކްސް އެޖެންސީ މެދުވެރިކޮށް ފަލަޞްޠީނުގެ ޙާލުގައި ޖެހިފައިވާ އަޚުންނާއި އުޚްތުންނަށް އެހީތެރިކަން ފޯރުކޮށްދިނުމަށްޓަކައި ކަމުގައެވެ.…

މަރާލާފައިވާ މީހުންނާއި ގެއްލުވާލާފައިވާ މީހުންގެ މައްސަލަތައް ބެލުމަށް ކުރީ ސަރުކާރުން އުފެއްދި ރިޔާސީ ކޮމިޝަން އުވާލައިފިއެވެ. ރައީސް ޑރ. މުހައްމަދު މުއިއްޒު މިއަދު ނެރުއްވި ގަރާރެއްގައި ވިދާޅުވީ, ރައީސުލްޖުމްހޫރިއްޔާގެ ގަރާރަކުން 2018 ވަނަ އަހަރު އުފައްދާފައިވާ މަރު ކޮމިޝަންގެ މަސައްކަތްތައް ފުރިހަމަކޮށް ނިންމާފައިވާތީ އެ ކޮމިޝަން އުވާލާފައިވާ ކަމަށެވެ. މަރު ކޮމިޝަނުން މީގެ ކުރިން ބުނެފައިވަނީ މިދިޔަ މަހުގެ ނިޔަލަށް މަސައްކަތްތައް ނިންމައި ރައީސް އޮފީހާއި ރިޕޯޓު ހަވާލު ކުރާނެ ކަމަށެވެ. މަރު ކޮމިޝަން އުވައިލާފައިވަނީ ރިޕޯޓު…

އެންމެ ފަހުން ބޭއްވި ރިޔާސީ އިންތިހާބާއި ރައްޔިތުންގެ މަޖިލިސް އިންތިހާބުގައި އެމްޑީޕީއަށް ބޮޑު ނާކާމިޔާބީއަކާއި ކުރިމަތިލާންޖެހުނު ސަބަބުތައް ދެނެގަންނަން ދިރާސާ ބައްދަލުވުންތައް ފަށައިފި އެވެ. އިންތިހާބުތައް ގެއްލުނު ގޮތާއި ބެހޭ ދިރާސާ ކުރާ ކޮމިޓީން މިއަދު ވަނީ ނިމިދިޔަ ދައުރުގެ މާލޭ ދާއިރާގެ މަޖިލިސް މެންބަރުންނާ ބައްދަލުކުރައްވާފަ އެވެ. މީގެ އިތުރުން އެ ކޮމިޓީން ވަނީ ޕާޓީގެ ގައުމީ މަޖިލީހުގެ މާލެ ދާއިރާގެ މެންބަރުންނާވެސް ބައްދަލުކުރައްވައިފަ އެވެ. އެމްޑީޕީން ބުނީ މިބައްދަލުވުންތައް އަތޮޅުތެރޭގައިވެސް ކުރިއަށް ގެންދާނެ ކަމަށެވެ.…

އދ. ދަނގެތި ކައިރީގައި ފާނަ މަސްވެރިކަމަށް ގޮސް އުޅުނު ބިދޭސީއަކު ލޯންޗެއްގައި ޖެހި މަރުވެއްޖެއެވެ. މިއަދު ހެނދުނު 07:30 ހާއިރު ހިނގި މި ހާދިސާގައި މަރުވެފައިވަނީ، ފ. ފީއަލީ ފާނާ މަސްވެރިކަންކުރާ “ޓްވިންސް” ދޯނީގައި, އިތުރު ބަޔަކާއި އެކު ފާނަ މަސްވެރިކަން ކުރަން މޫދަށް ފޭބި ބަންގްލަދޭޝްގެ މީހެކެވެ. ދަނގެތި ކައިރީގައި ފާނަ މަސްވެރިކަން ކުރަން އުޅުނު, އެމީހާ ގައިގައި ޖެހުނީ މާމިގިލިން މާލެއަށް ދަތުރުކުރި ލޯންޗެކެވެ. އޭނާ ގައިމަތިން އެ ލޯންޗު ދުއްވުމުގެ ސަބަބުން އޭނާއަށް…

ފަލަސްތީނުގެ ރަފަހްގަައި މިހާރު ހިނގަމުންދާ ގަތުުލު އަންމާއި ގުޅިގެން މާލޭގައި “ރަފަޙް އަނދަނީ”ގެ ނަމުގައި ބޮޑު އެއްވުމެއް ބާއްވައިފިއެވެ. އިޒްރޭލުގެ ގަތުލުއާންމާ ދެކޮޅު ހަދާ ފަލަސްތީނާއެކު ދިވެހީން ތިބިކަން ހާމަކޮށް ފަލަސްތީނު މިނިވަންކުރަން ގޮވާލަން މާލޭގައި މިއަދު ބޭއްވި އެއްވުމުގައި ގިނަބަޔަކު ބައިވެރިވިއިރު، އެއްވުމުގައިވަނީ ރާއްޖެއަށް އިޒްރޭލުގެ މީހުން އައުން މަނާކުރުމަށް ގޮވާލާފައެވެ. މި އެއްވުމުގައި ކުރީގެ ނާއިބު ރައީސް ފައިސަލް ނަސީމްވެސް ވަނީ ބައިވެރިވެވަޑައިގެންފައެވެ. "ރަފަހް އަނދަނީ" ނަމުގައި ބޭއްވި މި އެއްވުންއޮތީ މިއަދު ހަވީރު 4:00…

ޅ. އަތޮޅު ކައުންސިލްގެ ރައީސް އާއި ފ. އަތޮޅު ކައުންސިލްގެ ރައީސް އާއި ކުޅުދުއްފުށި އުތުރު ދާއިރާގެ ކައުންސިލަރު ހޮވުމަށް ބައި-އިލެކްޝަނެއް ބޭއްވުމަށް ނިންމައި އެ އިލެކްޝަންތަކުގައި ބައިވެރިވުމުގެ ފުރުސަތު އިލެކްޝަންސް ކޮމިޝަން (އީސީ) އިން ހުޅުވާލައިފިއެވެ. މި ތިން ދާއިރާގެ ބައި-އިލެކްޝަން ބާއްވަނީ 20 ވަނަ ރައްޔިތުންގެ މަޖިލީހަށް އެ މަގާމުތަކުގައި ތިއްބެވި ބޭފުޅުން އިންތިހާބުވެވަޑައިގަތުމުންނެވެ. ޅ. އަތޮޅު ކައުންސިލްގެ ރައީސްއަކަށް މިފަހަކާ ޖެހެންދެން ހުންނެވީ ނައިފަރު ދާއިރާގެ މިހާރުގެ މެމްބަރު ޔާސީން އަބްދުﷲ އެވެ. …

ސްޓޭޓް ޓްރޭޑިންގް އޯގަނައިޒޭޝަން، އެސްޓީއޯގެ ހިދުމަތް މާދަމާ ވަގުތީ ގޮތުން މެދުކަނޑާލާނެކަމަށް އެސްޓީއޯ މެޑިކަލް ސާވިސްއިން އިއުލާން ކޮށްފި އެވެ. އެސްޓީއޯއިން ބުނީ ހިދުމަތް މެެދުކަނޑައިލަނީ އެސްޓީއޯ ބޭސްފިހާރަތަކުން ހިދުމަތް ދޭން ބޭނުންކުރާ ސޮފްޓްވެއާ އަޕްޑޭޓު ކުރުމަށްކަމަށެވެ. ސޮފްޓްވެއާ އަޕްގްރޭޑް ކުރުމުގެ މަސައްކަތަށް ފާމަސީތަކުގެ ހިދުމަތް މެދުކަނޑާލި ނަމަވެސް، އިމަޖެންސީ ހާލަތްތަކުގައި ބޭސް ދޫކުރާނެ ކަމަށް އެސްޓީއޯއިން ބުނެ އެވެ. އެކުންފުނިން ބުނި ގޮތުގައި ސޮފްޓްވެއާ އަޕްޑޭޓުކޮށް ނިމުމާއިއެކު އެސްޓީއޯއިން ކަސްޓަމަރުންނަށް ދޭ ހިދުމަތް މިހާރަށްވުރެއް ފުޅާވެގެން…