ދުންފަތް ކޮންޓްރޯލް ކުރުމުގައި ދިމާވާ ގޮންޖެހުންތަކުން އަރައިގަނެ ރައްޔިތުންގެ ޞިއްޙީ ރައްކާތެރިކަމަށްޓަކައި ދުންފަތް ކޮންޓްރޯލްކުރުމަށް ރާއްޖޭގައި އަޅާފައިވާ ހަރުދަނާ ފިޔަވަޅުތަކުގެ އަގުވަޒަންކުރުމުގެ ގޮތުން ރާއްޖެއަށް އެވޯޑެއް ލިބިއްޖެ އެވެ. ދުންފަތް ކޮންޓްރޯލް ކުރުމަށް އެކި ޤައުމުތަކުގައި ތަންފީޒުކުރާ ސިޔާސަތުތަކާއި، އެ ސިޔާސަތުތަށް ތަންފީޒުކުރާގޮތް ދިރާސާކުރާ، ބައިނަލްއަޤްވާމީ ޖަމިއްޔާއެއް ކަމަށްވާ "ގްލޯބަލް ސެންޓާ ފޯ ގުޑް ގަވަނަންސް އިން ޓޮބޭކޯ ކޮންޓްރޯލް (ޖީޖީޓީސީ)" އިން ރާއްޖެއަށް ދިނީ އެ ޖަމްޢިއްޔާއިން ދެމުން އަންނަ "އިންޓެގްރިޓީ އެވޯޑް"އެވެ. އިންޓެގްރިޓީ އެވޯޑް…

ރަސްމީ ދަތުރެއްގައި ފޮރިން މިނިސްޓަރު ޑރ. އަބްދުﷲ ހަލީލު ބެލްޖިއަމަށް ފުރާވަޑައިގެންފިއެވެ. ރޭގެ ވަގުތެއްގައި ހަލީލު، ބެލްޖިއަމްއަށް ފުރާވަޑައިގެންނެވީ ހައި-ރެޕްރެޒެންޓޭޓިވް ފޯ ފޮރިން އެފެއާޒް އެންޑް ސެކިއުރިޓީ ޕޮލިސީ އަދި ޔޫރަޕިއަން ކޮމިޝަންގެ ވައިސް ޕްރެޒިޑެންޓް، ކާޔާ ކަލާސްގެ ދައުވަތަކަށް ހަތަރުވަނަ ޔޫރަޕިއަން ޔޫނިއަން އިންޑޯ-ޕެސިފިކް މިނިސްޓީރިއަލް ފޯރަމްގައި ބައިވެރިވެވަޑައިގަތުމަށްކަމަށް ފޮރިން މިނިސްޓްރީން ބުނެއެވެ. ފޮރިން މިނިސްޓްރީން ބުނީ މިމަހުގެ 20 އިން 21 އަށް ބެލްޖިއަމްގެ ވެރިރަށް ބްރަސެލްސްގައި ކުރިއަށްގެންދާ އެ ފޯރަމަކީ ޔޫރަޕިއަން ޔޫނިއަން…

އައްސޭރި ޖަލުގެ ޤައިދީންނާއި ބަންދު މީހުންނަށް ޤައިދީންނާއި ބަންދު މީހުންނަށް އޮންލައިންކޮށް ޝަރީޢަތްތަކުގައި ބައިވެރިވެވޭ ފުރުޞަތު އިތުރު ކުރުމުގެ ގޮތުން ދެ ކޯޓް ރޫމް ހުޅުވައިފި އެވެ. ކޯޓް ރޫމްތައް ހުޅުއްވައި ދެއްވީ ކޮމިޝަނާ އޮފް ޕްރިޒަންސް ޙަސަން ޒަރީރެވެ. އަލަށް ހުޅުވި ދެ ކޯޓް ރޫމްގެ ސަބަބުން، މާލެ އަދި އެހެން ރަށްރަށުގެ ކޯޓްތަކަށް ހާޒިރު ކުރަން ޖެހޭ ޤައިދީންނާއި ބަންދު މީހުންނަށް، ދަތުރުފަތުރު ނުކޮށް އޮންލައިންކޮށް ޝަރީއަތްތަކުގައި ބައިވެރިވެވޭ ފުރުޞަތުތައް އިތުރު ވެގެންދާނެ ކަމަށް…

ސަރުކާރަށް އިއްޔެ ދެ އަހަރުވެފައިވާތީ އެ ދެ އަހަރުގެ ކާމިޔާބީ ފާހަގަ ކުރުމުގެ ނަމުގައި ވެރިކަން ކުރާ، ޕީއެންސީން މިރޭ ހާއްސަ ހަފުލާއެއް ބާއްވަން ނިންމައިފި އެވެ. އެ ޕާޓީން ބުނީ އެ ހަފުލާ އޮންނާނީ ޕާޓީގެ މައި ހަރުގޭގައި ކަމަށާއި ޕާޓީ އަށް ތާއީދުކުރާ ހުރިހާ ރައްޔިތުންނަށް ދައުވަތު އަރުވާ ކަމަށެވެ. މިރޭގެ ހަފުލާ ފަށާނީ 8:30 ގަ އެވެ. ސަރުކާރަށް ދެ އަހަރުވީ އިރު ހޯދުނު ކާމިޔާބީތަކުގެ އުސްއަލިތައް ފާހަގަކުރަން ރައީސް ޑރ. މުހައްމަދު…

ތަފާތު އެކި ދާއިރާތަކުގައި އަންހެނުން ކުރާ މުހިންމު މަސައްކަތުގެ އަގުވަޒަންކުރުމުގެ ގޮތުން ދެމުން އަންނަ ރެހެންދި އެވޯޑު،  ޖުމްލަ 15 ފަރާތަކަށް މިރޭ ވަނީ ދީފަ އެވެ. ބާސެލޯ ނަސަންދުރާ ހޮޓަލުގައި ބޭއްވި މި ރަސްމިއްޔާތުގައި، އެވޯޑު ހަވާލުކޮށްދެއްވީ ފަސްޓް ލޭޑީ ސާޖިދާ މުހައްމަދެވެ. މިރޭ އެވޯޑު ލިބުނު ފަރާތްތަކުގެ ތެރޭގައި ހިމެނެނީ މިދިޔަ އަހަރު އެވޯޑަށް ހޮވުނު ފަސް ފަރާތަކާއި، މި އަހަރު އެވޯޑަށް ހޮވުނު 10 ފަރާތެވެ. މިދިޔަ އަހަރު ރެހެންދި އެވޯޑަށް 22…

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، އދ. މަންދޫއަށް ވަޑައިގެންފިއެވެ. ރައީސް މަންދޫއަށް ވަޑައިގެންނެވުމުން އެ ރަށުގެ ބަނދަރުން އެމަނިކުފާނަށް މަރުޙަބާ ދެންނެވީ ނައިބު ރައީސް، އަލްއުސްތާޛު ޙުސައިން މުޙައްމަދު ލަޠީފެވެ. އަދި މަންދޫގެ ރައްޔިތުންވެސް ވަނީ އެމަނިކުފާނަށް ވަރަށް ހޫނު މަރުޙަބާއެއް ދަންނަވައިފައެވެ. އެމަނިކުފާނުގެ މި ދަތުރުފުޅަކީ މަންދޫގައި ޤާއިމްކޮށްފައިވާ ފުޓްސަލް ދަނޑު ހުޅުއްވައިދެއްވުމަށް ކުރައްވާ ދަތުރުފުޅެކެވެ.

ފުވައްމުލަކުގެ ފެނުގެ ހިދުމަތަށް ދިމާވި މައްސަލަ ހައްލުކޮށް މިހާރު ދޫކުރާ ފެނަކީ ބޯން ރައްކާތެރި ފެން ކަަމަށް ހެލްތު މިނިސްޓްރީން ބުނެފި އެވެ. އެ މިނިސްޓްރީން މިއަދު ހަވީރު ނެރުނު ކުރު ބަޔާނެއްގައި ބުުނީ ފުވައްމުލަކުގެ ފެނުގެ މައްސަލައާ ގުޅިގެން އެ ސިޓީގެ އެކި ސަރަހައްދުތަކުން ފެނުގެ ސާމްޕަލް ނައި ތަހުލީލުކޮށްފައިވާ ކަމަށެވެ. އަދި އެ ތަހުލީލުތަކުގެ ނަތިޖާ ދައްކާ ގޮތުން ފުވައްމުލަކަށް މިހާރު ދޫކުރަމުން އަންނަ ސަޕްލައި ފެނަކީ ޑަބްލިއެޗްއޯގެ ބޯ ފެނުގެ މިންގަނޑަށް ފެތޭ…

ރާއްޖޭގެ ކަނޑުގެ ވަސީލަތްތަކާ ގުޅޭ ގޮތުން 20 އަހަރުގެ މާސްޓަޕްލޭން ހެދުމުގެ މަސައްކަތް ފިޝަރީޒް މިނިސްޓްރީން ފަށައިފި އެވެ. އެ މިނިސްޓްރީން ބުނީ މިއީ ރާއްޖޭގެ މަސްވެރިކަމާއި ކަނޑުގެ ވަސީލަތްތައް ދެމެހެއްޓެނިވި ގޮތެއްގައި ބެލެހެއްޓުމާއި ތަރައްގީ ކުރުމަށްޓަކައި، 2025-2045 އަށް ހާއްސަކޮށްގެން އެކުލަވާލާ މާސްޓަޕްލޭންތަކެއް ކަމަށެވެ. މި މަސައްކަތުގެ ފުރަތަމަ ބަޔެއްގެ ގޮތުން، މާސްޓަޕްލޭނާ ގުޅޭ ގޮތުން މަޝްވަރާ ކުރުމުގެ ބައްދަލުވުމެއް ވެސް އިއްޔެ ވަނީ ބާއްވާފައެވެ. އެ ބައްދަލުވުމުގައި ކަމާބެހޭ މިނިސްޓްރީތަކާއި ސަރުކާރުގެ އިދާރާތަކާއި، އަމިއްލަ…