ބަންކަރިންގެ ހިދުމަތް އަންނަ ބުރާސްފަތި ދުވަހު ފަށާނެ ކަަމަށް އެސްޓީއޯ އިން ބުނެފި އެވެ. ރާއްޖޭގައި މުޅިން އަލަށް ފަށާ ހިދުމަތެއް ކަމަށްވާ ބަންކަރިން ހިދުމަތް ދިނުމުގައި އެންމެ އިސްކޮށް މަސައްކަތް ކުރާ ފަރާތަކީ އެސްޓީއޯ އެވެ. އެސްޓީއޯ އިން މިއަދު ބުނީ އަންނަ ބުރާސްފަތި ދުވަހު ބައިނަލްއަގްވާމީ ބަންކަރިން ހިދުމަތް ފެށުމަށް ފުރިހަމައަށް ތައްޔާރުވެފައިވާ ކަމަށެވެ. "މި ހިދުމަތް ފެށުމަށްޓަކައި ސަރުކާރުގެ ކަމާބެހޭ އިދާރާތަކާއެކު ގުޅިގެން ކުރަންޖެހޭ އެންމެހައި މަސައްކަތްތައް ވަނީ ނިންމާފައި،" އެސްޓީއޯ އިން…

ޅ. ނައިފަރު ހޮސްޕިޓަލްގެ ސާވާ ހެކް ކުރި މައްސަލަ ބަލަން ފަށައިފި އެވެ. ފުލުހުން މިއަދު ބުނީ ނައިފަރު ހޮސްޕިޓަލްގެ ސާވާ ހެކް ކުރި މައްސަލަ އެ އިދާރާއަށް ހުށަހަޅާފައިވަނީ މިމަހުގެ 12 ވަނަ ދުވަހު ކަމަށެވެ. މައްސަލަ ތަހުގީގު ކުރުމަށް ފުލުހުންގެ ހާއްސަ ޓީމެއް މާލެ އިން ނައިފަރަށް ގޮސް އެ މައްސަލައިގެ ތަހުގީގު ކުރިއަށް ގެންދާ ކަމަށްވެސް ފުލުހުން ބުންޏެވެ. ފުލުހުން މައްސަލަ ބަލަމުންދާތީ ހޮސްޕިޓަލުން މިމައްސަލައިގައި އެއްވެސް އެއްޗެއް ނުބުނެ އެވެ.

ރާއްޖޭގައި ޒަމާނުއްސުރެ ކަންކުރެވިފައި އޮތް ގޮތުން ތަރިކަ ރައްކާތެރިކޮށް އެ ބެލެހެއްޓުމުގެ ދާއިރާ ވެފައިވަނީ ހަރަދުތަކެއްކޮށް އެއިން އާމްދަނީ އެއް ނުލިބޭ ދާއިރާއަކަށް ކަމަށާއި ނަމަވެސް އެކަން ބަދަލު ކުރައްވާނެ ކަމަށް ބަހާއި ތަރިކައިގެ މިނިސްޓަރު އާދަމް ނަސީރު ވިދާޅުވެއްޖެ އެވެ. މިނިސްޓަރު އާދަމް ނަސީރު އެހެން ވިދާޅުވީ, އެ މިިނިސްޓްރީގެ މަސައްކަތްތަކާއި ގުޅޭ ގޮތުން މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ނޫސްވެރިޔަކު ކުރި ސުވާލަކަށް ދެއްވި ޖަވާބުގަ އެވެ. ރާއްޖޭގެ ދެ ސަރަހައްދެއްގައި…

ވ. އާރަށް ކުއްޔަށް ދިނުމުގެ މައްސަލައިގައި ކްރިމިނަލް ކޯޓުގެ ޝަރީޢަތް މަޑުޖައްސާލައިފިއެވެ. މިގޮތަށް ނިންމީ ހައި ކޯޓުގެ ހުކުމުގެ ބައެއް ސުޕްރީމް ކޯޓުގައި އިސްތިއުނާފުވެފައި އޮތުމާއި، ޝަރީޢަތުގެ ކުރިން ހުށަހެޅުނު ކަންކަމުގައި ފުށުއެރުންތަކެއް ހުރުމާ ގުޅިގެންނެވެ. ދައުލަތުން ސުޕްރީމް ކޯޓުގައި އިސްތިއުނާފުކޮށްފައިވަނީ ޔާމީންގެ ދިފާޢީ ހެކިންގެ ބަޔާންތައް ނަފީކުރުމަށް ހުށަހެޅި އައު ހެކިތައް ބަލައިނުގަތުމަށް ހައި ކޯޓުން ނިންމި ނިންމުމެވެ. އެ މައްސަލަ ސުޕްރީމް ކޯޓުން ބަލައިގަތް ނަމަވެސް، އަޑުއެހުންތައް އަދި ނުފަށައެވެ. މިއަދުގެ އަޑުއެހުމުގައި ޝަރީޢަތް…

ފޭރުނު މައްސަލައެއްގެ ތަހުގީގު ނިންމައި ތިން މީީހަކަށް ދައުވާކޮށް ދޭން އެދި ފުލުހުން ޕްރޮސެކިއުޓަ ޖެނެރަލް އޮފީހަށް ފޮނުވައިފި އެވެ. އެ ތިން މީހުނަކީ މއ. މަސްފަން، ޢާއިޝަތު، 43، އާއި މއ. މަސްފަން، މުޙައްމަދު ރީހާން، 27، ގެ އިތުރުން އައްޑޫ ހިތަދޫ، ސޯމާ، ޝަފީޤު އިބްރާހީމް، 35، އެވެ. މި ތިން މީހުންނަކީ ޖުލައި 24 ވަނަ ދުވަހުގެ ވަގުތެއްގައި، މއ. މަސްފަން ގެއަށް ގޭގެ ބޮއްކެއް ބަދަލުކޮށް ދޭން އެހީވުމަށް އެދި ދިވެހި…

ހިޔާ ފްލެޓްގެ އެޕާޓްމެންޓެއްގައި ގަދަކަމުން އަންހެނަކު ހިފަހައްޓައިގެން އުޅުނު ކަމަށް ބެލެވޭ މައްސަލައެއްގައި ދެ މީހަކު ހައްޔަރުކޮށްފައިވާ ކަމަށް ފުލުހުން ބުނެފިއެއެވެ. މި ހާދިސާ ހިނގާފައިވަނީ އަންހެނަކު ސަލާމަތްކޮށްދިނުމަށް އެދި ގޮވައި ރޯ އަޑު އިވުމާ ގުޅިގެން ފުލުހުން އެ އެޕާޓްމެންޓަށް ގޮސް ދޮރުހުޅުވުމަށް އެދުމުންނެވެ. ފިރިހެނަކު ދޮރު ހުޅުވުމަށްފަހު އެއްވެސް ކަމެއް ނުހިނގާ ކަމަށް ބުނެ ދޮރު ލައްޕައި ތަޅުލިކަމަށް ފުލުހުން ބުނެފައިވެއެވެ. ނަމަވެސް އަންހެން މީހާ އަނެއްކާވެސް ސަލާމަތަށް އެދި ހަޅޭއްލެވުމުން، ތަކުރާރުކޮށް ދޮރު…

ޤަވައިދާ ޚިލާފަށް ބަނގުރާ ގެންގުޅެ ވިއްކަމުން ދިޔަ މީހަކު ބިދޭސީއަކު ހައްޔަރުކޮށްފިއެވެ. އޭނާ ހައްޔަރުކުރެވުނީ ގިނަ އަދަދެއްގެ ބަނގުރާފުޅިތަކާއެކުގައެވެ. މި މައްސަލައިގައި ހައްޔަރުކުރީ ބަންގްލަދޭޝްގެ ރައްޔިތެއް ކަމަށްވާ ރަސުލް އުފާ ރިދޯއި (30) އެވެ. އޭނާ ހައްޔަރުކޮށް ބަންދާމެދު ގޮތެއް ނިންމުމަށް ކުރިމިނަލް ކޯޓަށް ހާޒިރުކުރުމުން ކޯޓުން ވަނީ އޭނާ 10 ދުވަހަށް ބަންދު ކުރުމަށް އަމުރުކޮށްފައެވެ. ކޯޓު އަމުރުގައި ބުނާގޮތުން މި މައްސަލައިގައި ދައުލަތުން ހުށަހެޅި ހެކިތަކަކީ ސީނަށް ދިޔަ ފުލުހުންގެ ބަޔާނާއި ސީސީޓީވީ ފުޓޭޖުގެ…

ކުޅުދުއްފުށިސިޓީ ފަޅުތެރޭގައި މަރުވެފައި އޮށްވާ ފެނުނު މީހާގެ ހަށިގަނޑު ޕޯސްޓްމޯޓަމް ހެދުމަށް ފޮނުވާލުމުގެ މަސައްކަތް ކުރަމުންދާ ކަމަށް ފުލުހުން ބުނެފިއެވެ. ކުޅުދުއްފުށީ ފަޅުތެރޭގައި މަރުވެފައި އޮށްވާ ފެނިފައިވަނީ އެރަށު ޑެއިޒީ ފެހި މުހައްމަދު ހަސަންއެވެ. ފުލުހުން މިއަދު ބުނެފައިވަނީ އޭނާގެ ހަށިގަނޑު ޕޯސްޓްމޯޓަމް ހެދުމަށް ރާއްޖެއިން ބޭރަށް ފޮނުވާލުމުގެ މަސައްކަތް ކުރަމުންދާ ކަމަށެވެ. ކުޅުދުއްފުށީ ފަަޅުތެރޭ މަރުވެފައި އޮތް މީހަކު ފެނުނުއިރު މިފަހުން، ނ. ހޮޅުދޫގައި ވެސް ޒަހަމުތަކަކާއެކު މަރުވެފައި އޮތް އަންހެނެއް ފެނިފައިވެއެވެ.