ޓޫރިޒަމްގެ ސްޓޭޓް މިނިސްޓަރަކަށް މާމިގިލީ އިބޫ
ޓޫރިޒަމް މިނިސްޓްރީގެ ސްޓޭޓްގެ މަގާމަށް، އިބްރާހީމް ރަޝީދު އަބޫބަކުރު (މާމިނގިލީ އިބޫ) މިއަދު އައްޔަން ކުރައްވައިފިއެވެ. އިބޫ ވަނީ ގްރޭޓަރ މާލެ އިންޑަސްޓްރިއަލް ޒޯން ލިމިޓެޑްގެ މެނޭޖިންގ ޑިރެކްޓަރގެ މަގާމާއި، މިނިސްޓަރ އޮފް ސްޓޭޓް ފޮރ ހޯމް އެފެއަރޒްގެ ނައިބުގެ މަގާމާއި، މެދު އުތުރު ސަރަހައްދުގެ ގައުމީ އިދާރާގެ ސްޓޭޓް ސެކްރެޓަރީގެ މަގާމު އަދި ޕްރައިވެޓް ސެކްޓަރގެ އެކިއެކި މަގާމުތައް ފުރުއްވާފައެވެ. އިބޫ ވަނީ އިނގިރޭސި ވިލާތުގެ ބޯލްޓަން ޔުނިވަރސިޓީން އެމް.ބީ.އޭ ހާސިލުކުރައްވާފައެވެ.